वैदेशिक रोजगारीबाट नेपाल फर्कँदै हुनुहुन्छ ? थाहा पाउनुहोस् यी नियम

माघ १०, २०७८ सोमबार १४:१३:१५ | उज्यालो सहकर्मी

काठमाण्डौ – तपाईँ वैदेशिक रोजगारीबाट स्वदेश फर्कँदै हुनुहुन्छ ? यदि फर्कँदै हुनुहुन्छ भने कोरोना महामारीको यो समयमा सरकारले लागू गरेका नियमबारे थाहा पाउनुहोस् ।

गएको पुस ३० गते बसेको मन्त्रीपरिषद्को बैठकले विदेशबाट स्वदेश फर्कने कोरोना विरुद्धको पुरा मात्रा खोप लगाएका र नलगाएका यात्रुहरूका लागि विभिन्न मापदण्ड तोकेको छ ।

वैदेशिक रोजगारीबाट फर्कँदा कोरोना विरुद्धको खोपको दुवै मात्रा पुरा गरेको १४ दिन पूरा गरेका नेपाली नागरिक र गैर आवासीय नेपालीहरू नेपाल आउँदा हवाई उडानमा चेक इन हुनुभन्दा ७२ घण्टा भित्रको कोरोना नेगेटिभ भएको प्रमाण हुनपर्छ । www.ccmc.gov.np मा लगइन गरी विदेशबाट नेपाल आउने व्यक्तिले भर्नु पर्ने फारम भर्नपर्छ र त्यसको प्रति प्रिन्ट गरेर साथमा राख्न पर्ने छ ।

नेपाल आइपुग्दा कोरोनाको कुनै लक्षण नदेखिएमा सिधै गन्तव्यमा जान अनुमति पाइन्छ । तर कोरोनाको कुनै लक्षण देखिएमा एन्टिजेन परीक्षण हुन्छ । रिपोर्ट पोजेटिभ आएमा आइसोलेसन वा अस्पतालमा र नेगेटिभ आएमा ५ दिनसम्म होम क्वरेण्टीनमा बस्ने गरी विमानस्थलबाट बाहिर निस्कन दिइन्छ ।

खोपको मात्रा पूरा नगरेका वा खोपको मात्रा पूरा गरेको १४ दिन नपुगेकाहरूले पनि जहाजमा चेक इन हुनुभन्दा ७२ घण्टा भित्रको पीसीआर नेगेटिभ रिपोर्ट साथमा हुनपर्छ । www.ccmc.gov.np मा लगइन गरी विदेशबाट नेपाल आउने व्यक्तिले भर्नु पर्ने फारम भर्नपर्छ र त्यसको प्रति प्रिन्ट गरेर साथमा राख्न पर्ने छ ।

अध्यागमन बिन्दुमा एन्टिजेन परीक्षण गरी रिपोर्ट नेगेटिभ आएमा गन्तव्यमा जान पाइन्छ भने रिपोर्ट पोजेटिभ आएमा आइसोलेसन वा अस्पतालमा बस्ने गरी जान दिइन्छ ।

वैदेशिक रोजगारीमा गएका तर सम्बन्धित देशले फिर्ता गरेका, विदेशी देशले डिपोर्ट गरेका वा बेखर्ची अवस्थामा स्वदेश फर्केका नेपाली नागरिकको हकमा कोरोना विरुद्धको खोपको मात्र पूरा गरेको र नेपाल प्रवेश गर्नुभन्दा ७२ घण्टाभित्र कोरोना परीक्षण रिपोर्ट नेगेटिभ भएका र कुनै लक्षण नदेखिएकालाई सिधै गन्तव्यमा जान दिइन्छ ।

तर खोप नलगाएको भएमा एन्टिजेन परीक्षण हुन्छ । रिपोर्ट पोजेटिभ आएमा नेपाल सरकारले तोकेको आइसोलेसन वा अस्पतालमा १० दिनसम्म राखी रिपोर्ट नेगेटिभ आएपछि मात्र गन्तव्यमा जान दिइन्छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Suvash kumar raut
Jan. 24, 2022, 2:26 p.m.
म विदेश जाँदैछु, के गर्नुपर्ला ?
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वैदेशिक रोजगारीबाट नेपाल फर्कँदै हुनुहुन्छ ? थाहा पाउनुहोस् यी नियम

1 Comments

Suvash kumar raut

तपाईको प्रतिक्रिया

तपाईको प्रतिक्रिया