माधव नेपालकाे दाबी : राष्ट्रिय सभा चुनावकाे १९ सिट नै सत्ता गठबन्धनले जित्छ

माघ १२, २०७८ बुधबार १३:२६:३ | उज्यालो सहकर्मी

काठमाण्डाै – सत्ता साझेदार नेकपा (एकीकृत समजवादी) का अध्यक्ष माधवकुमार नेपालले आज बुधवार भइरहेकाे राष्ट्रिय सभाकाे चुनावमा १९ सिट नै सत्ता गठबन्धनले जित्ने दाबी गर्नुभएकाे छ । आज बुधवार पार्टी कार्यालय शान्तिनगरमा विभिन्न पार्टीबाट आएका कार्यकर्तालाई पार्टी प्रवेश गराउँदै उहाँले यस्ताे दाबी गर्नुभएकाे हाे ।

अध्यक्ष नेपालले भन्नुभयाे, ‘राष्ट्रिय राजनीतिमा हाम्रो दलको राजनीतिले तरङ्ग पैदा गरिरहेको छ । अहिले हामी पाँच दलीय गठबन्धनमा छौँ । पाँच दलीय गठबन्धनका सबै दल मिलेर राष्ट्रिय सभाको चुनावमा १९ जना उम्मेदवार खडा गरेका छौँ । सबै ठाउँमा हामी विजयी हुनेछौँ ।’ उहाँले राष्ट्रिय सभाको १९ सिटको जितले अन्य तहको चुनावमा पनि तरङ्ग पैदा गर्ने बताउनुभयो ।

कार्यक्रममा बाेल्दै अध्यक्ष नेपालले स्थानीय तह, प्रदेश सभा र प्रतिनिधि सभाको चुनाव संविधानलाई सर्वोपरि राखेर सम्पन्न गर्नुपर्ने बताउनुभयो । उहाँले सत्तारुढ दलहरूबीच एकै पटक तीन वटा तहको चुनाव गराउन सके खर्च कम लाग्ने भएकाले विज्ञहरूसँग विस्तृत छलफल गरिरहेको बताउनुभयो ।

अध्यक्ष नेपालले भन्नुभयो, ‘तपाईँहरू सुनिरहनुभएको छ कि स्थानीय तहको चुनाव कहिले गर्ने, सङ्घीय चुनाव कहिले गर्ने ? प्रदेश सभाको चुनाव कहिले गर्ने ? एकै पटकमा तीन वटा नै तहको चुनाव गर्न सकियो भने राम्रो हुन्छ । एकै चरणमा गर्ने हो भने ५ देखि १० अर्ब रुपैयाँमा चुनाव सकिन्छ । उम्मेदवारको पनि खर्च कम हुन्छ । त्यसका निम्ति हामी छलफल चलाइरहेका छौँ ।’

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्