शाहरुख खानले लता मंगेशकरलाई दिएकाे श्रद्धाञ्जलीलाई लिएर किन यति धेरै विवाद भइरहेकाे छ ?

 माघ २४, २०७८ सोमबार १५:३३:४० | एजेन्सी
unn.prixa.net

भारतकी वरिष्ठ गायिका लता मंगेशकरको अन्तिम संस्कारमा शद्धाञ्जली दिन पुगेका अभिनेता शाहरुख खानलाई लिएर अहिले सामाजिक सञ्जालमा बहस भइरहेको छ । अभिनेता शाहरुख खानले त्यहाँ प्रार्थना गरेको शैलीलाई लिएर भारतीय जनता पार्टी (बीजेपी) का एक पदाधिकारीले उठाएको प्रश्नको निकै आलोचना भइरहेको छ । 

हिजो आइतवार बेलुकी मुम्बईको शिवाजी पार्कमा लता मंगेशकरको अन्त्येष्टिअघि भारतीय प्रधानमन्त्री नरेन्द्र मोदीसहितका व्यक्तिहरूले पार्थिव शरीरको नजिक गएर प्रार्थना गरेका थिए । शाहरुख त्यहाँ आफ्नी सेक्रेटरी पूजना ददलानीसँगै पुगेका थिए । त्यहाँ शाहरुख खानले प्रार्थनाका लागि आफ्नो हात फैलाएका थिए, पूजा ददलानीले हात जोडेर लता मंगेशकरलाई श्रद्धाञ्जली दिइरहेकी थिइन् । 

शाहरुख खानले प्रार्थनाको अन्त्यमा तल झुकेर मास्क हटाउँदै पार्थिक शरीरतर्फ फुकेका थिए । यही विषयलाई लिएर गरिएको एक टिप्पणीले ट्विटरमा बहसको रूपको लियो । 

बीजेपी हरियाणाको आईटी सेलका प्रभारी अरुण यादवको ट्वीटले यस विवादलाई अझ बढायो । उहाँले श्रद्धाञ्जली दिइरहेका शाहरुख खानको भिडियो शेयर गर्दै लेख्नुभएको छ– के शाहरुख खानले थुकेका हुन् ?

उहाँले फुकेको कुरालाई थुकको नाम दिएर ट्वीट गर्दा मानिसहरूले शाहरुख खानलाई ट्रोल गर्न थाले । यता पूजा ददलानीको तस्बिरलाई भारतको असली तस्बिर भनेर तारिफ पनि भइरहेको छ । 

यो विवादमा अन्य चर्चित अनुहार पनि आएका छन् । शिवसेनाकी राज्य सभा सांसद प्रियंका चतुर्वेदीले ट्वीट गर्नुभएको छ, ‘केही व्यक्ति प्रार्थना गर्न लायक छैनन्, न दया को, उनीहरूलाई मात्र औषधिको आवश्यक छ, मनको विषलाई समाप्त गर्नका लागि ।’

कांग्रेस प्रवक्ता सुप्रिया श्रीनेत्रले पनि शाहरुखको पक्षमा ट्वीट गर्दै उनीमाथि प्रश्न उठाउनेलाई जवाफ दिनुभएको छ । 

उहाँले लेख्नुभएको छ, ‘तपाईँ दिवङ्गत आत्माको लागि गरिएको प्रार्थनालाई पनि घृणा फैलाउन प्रयोग गरिहनुभएको छ । हामी सबै सोचौँ, के हामी दृष्टतालाई जित्न दिन सक्छौँ ?’

यस विषयमा अन्य थुप्रै व्यक्तिहरूले पक्ष र विपक्षमा टिप्पणी गरेका छन् । 

मुसलमान समुदायमा यो एक आम परम्परा हो । कसैको निधन या कुनै अरू मौकामा पनि फुकेर प्रार्थना गरिन्छ । यसका साथै कसैको लामो आयु, जीवनमा सफलता र अन्य कुरामा पनि प्रार्थना गरिन्छ । प्रार्थना गरेपछि/पढेपछि पढ्ने व्यक्ति जसको लागि गरेको उनले नजिक गएर फुक्ने गर्दछन् । 

बीबीसी हिन्दीबाट

अन्तिम अपडेट: पुस २१, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • Ditendra Tamang

    Feb. 7, 2022, 3:49 p.m.

    Good news

  •  0 Reply

तपाईको प्रतिक्रिया

समाचार

लोकप्रिय

१

घुस नदिइकन कामै बन्दैन, प्रधानमन्त्रीलाई यो कुरा कस्ले भनिदिने ? : सञ्चारमन्त्री गुरुङ

२

चीनमा एचएमपीभी भाइरसको सङक्रमण फैलियो : बालबालिका र कमजोर समूह उच्च जोखिममा

३

निरन्तर गइरहेका भूकम्पका संकेत के हाे ?

४

रक्सीको बोतलमा क्यान्सरको चेतावनी राख्न अमेरिकाका वरिष्ठ डाक्टरको आह्वान

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई