कोरोना सङ्क्रमण रोकथामका लागि लगाइएको प्रतिबन्ध खुकुलो बनाउँदै यूएई

माघ २७, २०७८ बिहीबार १२:३५:२१ | उज्यालो सहकर्मी

काठमाण्डौ – कोरोना सङ्क्रमण दर घट्दै गएपछि यूएईले सङ्क्रमण रोकथामका लागि लागू गरेका प्रतिबन्धहरू पनि खुकुलो बनाउने भएको छ ।

सङ्क्रमण दर दिनहुँजसो घटिरहेको भन्दै सबै प्रकारका आर्थिक क्रियाकलापदेखि सामाजिक जमघट र कार्यक्रमहरू पूर्ण क्षमतामा सञ्चालन गर्न दिने यूएईको तयारी छ ।

दुबई राज्यको सङ्कट व्यवस्थापन कमिटीले यही फेब्रुअरी १५ देखि कोरोना सङ्क्रमण रोकथामका लागि लगाइएका प्रतिबन्धहरू खुकुलो बनाउँदै लैजाने निर्णय गरेको खबर खालिज टाइम्सले लेखेको छ । तर सङ्क्रमणबाट बच्नका लागि आफ्ना नागरिकलाई स्वास्थ्य सुरक्षाका मापदण्ड भने अनिवार्य रूपमा पालना गर्न भनेको छ ।

दुबईको यो निर्णय कार्यान्वयनमा आएपछि जमघट, कार्यक्रम लगायत आयोजना गर्न पाइने छ ।

यस्तै सबै प्रकारका आर्थिक क्रियाकलाप सञ्चालन हुनेछ भने पर्यटकसँग सम्बन्धित, सपिङ मलहरू र यातायात पूर्ण क्षमतामा सञ्चालन हुनेछ ।

मस्जिदमा प्रार्थना गर्नेहरूका लागि एक मिटरको दुरी कायम गर्नु पर्ने नियम बनाइएको छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्