म्यानमारमा ‘कु’ गरी सेनाले सत्ता सम्हालेको एक वर्ष पूरा : आठ सयभन्दा धेरै कैदीबन्दी रिहा

फागुन १, २०७८ आइतबार १०:१७:० | एजेन्सी

म्यानमारमा सेनाले ‘कु’ गरी सत्ता सम्हालेको एक वर्ष पूरा भएको छ । सैन्य सरकारले सत्ता सम्हालेको एक वर्ष पूरा भएको अवसरमा जुन्ता सरकारले आठ सयभन्दा धेरै कैदीबन्दीलाई आममाफीको घोषणा गरेको छ ।

जुन्ता प्रमुख मिन आङ हलिङले ८ सय १४ कैदीका लागि माफीको आदेश जारी गर्नुभएको समाचार संस्था एएफपीले जनाएको छ । आममाफी पाउनेमा ७ जना विदेशी पनि छन् । देशको सङ्घीय स्वतन्त्रता दिवसका अवसरमा सैन्य सरकारले राजधानीमा परेड तथा प्रदर्शन गरेको छ ।

गएको वर्षको सैन्य ‘कु’ देखि नै म्यानमारमा सरकार विरोधी प्रदर्शन हुँदै आएको छ । यो बीचमा प्रदर्शन र त्यसपछिको सैन्य दमनमा एक हजार पाँच सयभन्दा धेरै नागरिकले ज्यान गुमाएका संयुक्त राष्ट्रसङ्घको मानव अधिकार कार्यालयले जनाएको छ ।

म्यानमारकी प्रजातन्त्रवादी नेतृ आङ सान सुकी नेतृत्वको सरकारलाई गएको वर्ष फेब्रुअरी एकमा सेनाले ‘कु’ गरी हटाएको थियो । साथै गएको मंसिरमा सुकीलाई सेनाको अदालतले चार वर्षको जेल सजाय समेत सुनाएको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्