साउदीमा रहेको नेपाली दूतावासले आइतबारदेखि विद्युतीय राहदानीको आवेदन लिने

फागुन ६, २०७८ शुक्रबार १४:५७:५० | उज्यालो सहकर्मी

काठमाण्डौ – साउदीमा रहेको नेपाली दूतावासले आउँदो आइतबारदेखि विद्युतीय राहदानीको आवेदन लिने भएको छ ।

फेब्रुअरी २० अर्थात् आउँदो आइतबारदेखि विद्युतीय राहदानीको आवेदन लिने र आवेदन दिन दूतावास जाँदा अनिवार्य रूपमा प्री इनरोलमेन्ट गर्नपर्छ ।

प्री इनरोलमेन्ट गरेर जाने आवेदकहरूको मात्र विद्युतीय राहदानीका लागि आवश्यक बायोमेट्रिक विवरणसहितको लाइभ इनरोलमेन्ट प्रक्रिया अघि बढाइने सूचनामार्फत दूतावासले जानकारी दिएको छ ।

प्रारम्भिक चरणमा सीमित बुकिङ खुला गरिएको भन्दै दूतावासले अहिले राहदानीको अवधि सकिएका वा ६ महिनाभन्दा कम अवधि रहेकाहरूलाई मात्र आवेदन दिन अनुरोध गरेको छ ।

साउदी अरबबाटै विद्युतीय राहदानीको लागि आवेदन दिनेले राष्ट्रिय परिचयपत्र नम्बर राख्न पर्दैन । दूतावासमा जाँदा प्री इनरोलमेन्ट गर्दा प्राप्त भएको बारकोडसहितको फारम डाउनलोड गरी प्रिन्ट गरेर लिएर जान पर्छ ।

यसका साथै दूतावासमा जाँदा आफ्नो गाउँपालिका, नगरपालिका वा उप महानगर र महानगरपालिका जे हो त्यसको वडा नम्बर, बुवा आमाको सम्पर्क नम्बर र विवाहितहरूको हकमा श्रीमतीको पनि सम्पर्क नम्बर दूतावासले माग्ने छ।

प्री इनरोलमेन्ट गर्दा नै दूतावासले लाइभ इनरोलमेन्टका लागि समय दिएको हुन्छ । त्यही तोकिएको मिति र समयमा दूतावासमा जानपर्छ । राहदानी नवीकरणका लागि दुई सय साउदी रियाल लाग्ने छ भने पहिलेको राहदानी चोरी भएको, हराएको, च्यातिएको वा कुनै कारणले काम नलाग्ने भएको भएमा ४ सय साउदी रियाल लाग्ने छ ।

नवीकरण गर्नको लागि दूतावासमै उपस्थित हुनपर्छ । साउदीमा रियादभन्दा बाहिर कतै पनि राहदानीको आवेदन सङ्कलन शिविर नराख्ने पनि दूतावासले जनाएको छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्