सिन्धुपाल्चाेककाे हेलम्बु र मेलम्ची आसपासमा बाढी : फट्टेको अस्थायी पुलमा क्षति

असार ११, २०७९ शनिबार ८:४६:३४ | किरण थापा

सिन्धुपाल्चाेक - सिन्धुपाल्चाेकको हेलम्बु र मेलम्ची आसपासमा गएराति बाढी आएको छ । बाढीले सिन्धुपाल्चोकको मेलम्ची नगरपालिका–११ फट्टेको अस्थायी पुलमा क्षति पुगेको छ।

गएको वर्ष असार १ गते आएको बाढीले मेलम्चीको पक्की पुल बगाएपछि अस्थायी पुलको रूपमा ह्युमपाइप हालिएको थियो । स्थानीय बासिन्दा घर छोडेर सुरक्षित ठाउँमा गएका थिए । मध्यराति घर छोडेर अग्लो ठाउँमा गएर बसेको हेलम्बुकी प्रभा भण्डारीले बताउनुभयो ।

अस्थायी पुलमा क्षति पुगेसँगै सडक बन्द भएको स्थानीय दशरथ दनुवारले बताउनुभयो । अस्थायी पुलमा क्षति भएपछि हेलम्बु, मेलम्ची र पाँचपाेखरी थाङ्पालका ६ वटा वडाका नागरिक प्रभावित भएका छन् ।

अघिल्लो वर्ष असार १ र साउन १६ मा आएकाे बाढीले हेलम्बु र मेलम्चीमा रहेका माेटरेबल र झाेलुङ्गे पुलमा क्षति पुगेकाे थियाे। हिउँदमा सहज भए पनि वर्षायाम लागेसँगै स्थानीयलाई आवतजावतमा समस्या भएकाे छ ।

वैकल्पिक बाटाे प्रयाेग गर्दा लामाे समय लाग्ने गरेकाे छ । हेलम्बुकाे चनाैटेमा सेनाले बेलीबृज बनाएकाे छ भने मेलम्चीमा बाहुनेपाटी पुग्नुपर्ने बाध्यता रहेकाे छ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्