स्वास्थ्य चौकीमा लगाएको ताला नखुल्दा प्रसुति सेवा प्रभावित

असोज ७, २०७५ आइतबार १९:३२:२० | जयराज अवस्थी

बैतडी – जिल्लाको पुरचौंडी नगरपालिका वडा नम्बर ९ मा रहेको तल्लादेही स्वास्थ्य चौकीमा गएको बिहीबारदेखि तालाबन्दी गरिएको छ ।

स्वास्थ्य संस्थामा तालाबन्दी हुँदा त्यस क्षेत्रका स्थानीय निकै मर्कामा परेका छन् । ४ दिनदेखि स्वास्थ्य चौकीमा तालाबन्दी हुँदा त्यहाका बिरामीहरुले उपचार गराउन पाएका छ्रैनन् । स्वास्थ्य चौकीमा बिरामीहरु आए पनि उपचार नपाइ फर्किने गरेको स्वास्थ्य चौकी इन्चार्ज हेमन्तसिंह साउदले बताउनुभयो ।

आउदो ९ गतेबाट स्वास्थ्य चौकीमा खोप कार्यक्रम रहेको र स्वास्थ्य चौकीमा तालाबन्दी हुँदा खोप कार्यक्रम पनि प्रभावित हुन सक्ने सम्भावना रहेको साउदले बताउनुभयो । स्वास्थ्य चौकीमा तालाबन्दी हुँदा स्वास्थ चौकीको सुरक्षित प्रसुति सेवा पनि प्रभावित भएको छ ।

स्वास्थ्य चौकीले वडा नम्बर ९ लाई आगामी आर्थिक वर्षमा घरमा हुने सुत्केरी शुन्य वडा घोषणा गर्ने योजना बनाएको छ । तर स्वास्थ्य चौकीमा तालाबन्दी हुँदा त्यो लक्ष्य समेत प्रभावित भएको स्वास्थ्य चौकी इन्चार्ज साउदले बताउनुभयो ।

स्वास्थ्य चौकीमा ल्याब असिष्टेन्ट नियुक्त गर्दा आफूलाई छनौटमा नपारेको भन्दै ल्याब असिष्टेन्टका उम्मेद्ववार लोकेश भण्डारी र भण्डारीका सहयोगीले बिहीबार स्वास्थ्य चौकीमा तालाबन्दी गरेका हुन् ।

स्वास्थ्य चौकीमा तालाबन्दी भएकै दिनदेखि बिरामीको सामान्य चेकजाँच समेत रोकिएको इन्चार्ज साउदले बताउनुभयो । स्वास्थ्य चौकीमा तालाबन्दी भएको चारदिन बितिसक्दा समेत नगरपालिकाले ताला खुलाउने बिषयमा पहल गर्न नसकेको स्थानीयबासीको गुनासो छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्