रोकिएको आणविक सम्झौताबारेको वार्ता थाल्न इरानले युरोपेली सङ्घसमक्ष दियो लिखित जवाफ

भदौ १, २०७९ बुधबार ६:४२:२७ | एजेन्सी

विश्वका शाक्ति देशसँग रोकिएको आणविक सम्झौता वार्तालाई पुनर्जीवन दिन इरानले लिखित जवाफ दिएको छ । रोकिएको वार्ता पुनः थाल्न तेहरानले लिखित जवाफ युरोपेली सङ्घसमक्ष प्रस्तुत गरेको हो ।

वार्ताका लागि सङ्घले मध्यस्थता गरेकाले इरानले लिखित जवाफ दिएको हो । जवाफका अन्तर्वस्तु बारेमा विस्तृत विवरण सार्वजनिक गरिएको छैन । इरानको समाचार समिति इर्नाका अनुसार इरानले पेश गरेका जवाफमा सङ्घको मध्यस्थतालाई स्वीकार गरिएको छैन । इरानले तीनवटा विषयमा केन्द्रित भएर जवाफ दिएको र त्यसमा अमेरिकाले मौखिकरूपमा व्यक्त गरेको सम्झौता निरन्तरताको प्रत्याभूतिलाई वार्ता एवं सम्झौताका दस्तावेजहरूमा समावेश गर्नुपर्नेमा जोड दिइएको छ ।

कट्टरपन्थी राष्ट्रपति इब्राहिम राईसीको नेतृत्वमा तेहरानले सम्झौतामा पुग्न भएको विलम्बका लागि अमेरिका दोषी रहेको दाबी गरेको छ । इरानको लिखित जवाफ प्राप्त भएको बताउँदै सङ्घको विदेश मामिला तथा सुरक्षा नीतिका प्रवक्ता नबिला मस्रालीले प्राप्त जवाफको अध्ययन भइरहेको बताउनुभएको छ ।

सन् २०१८ मा तत्कालीन राष्ट्रपति डोनाल्ड ट्रम्पले अमेरिकालाई एकपक्षीय रूपमा वार्ताबाट अलग्याएपछि इरानले अमेरिकासँग प्रत्यक्ष वार्ता गर्न अस्वीकार गरेको हो । त्यसपछि तेहरानमाथि एकपक्षीय प्रतिबन्धहरू पुनः लागू भएका थिए । तेहरानले आणविक सम्झौता कार्यान्वयनका लागि आफूमाथि लगाइएका प्रतिबन्धको फुकुवा गर्नुपर्ने अडान त्यागेको छैन ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रोकिएको आणविक सम्झौताबारेको वार्ता थाल्न इरानले युरोपेली सङ्घसमक्ष दियो लिखित जवाफ

फाइल फाेटाे

तपाईको प्रतिक्रिया