युरोपेली देश लैजाने भन्दै सयौँ युवा जम्मा पार्ने दुई विदेशी नागरिक विभागको नियन्त्रणमा

जेठ ७, २०८० आइतबार १७:२७:४५ | उज्यालो सहकर्मी

काठमाण्डौ – रोजगारीका लागि पोल्याण्ड लैजानेभन्दै अनुमति बिना युवाहरू जम्मा पारी अन्तर्वार्ता लिइरहेको अवस्थामा दुई विदेशी नागरिकलाई वैदेशिक रोजगार विभागले नियन्त्रणमा लिएको छ ।

पोल्याण्ड र युरोपका अन्य देशमा लैजाने भन्दै गएको शुक्रवार होटल मेरियटमा अनुमति बिनै सयौँको सङ्ख्यामा युवाहरू जम्मा गरेर अन्तर्वार्ता लिएको पाइएपछि पोल्याण्डका नागरिक एलेग फेडोसिक र यूएईका नागरिक रिता फियागोसिकलाई अनुसन्धानका लागि नियन्त्रणमा लिइएको विभागले जनाएको छ ।

केही समयदेखि टिकटक अकाउण्टमार्फत यूएईकी नागरिकले रिताले आफू पोल्याण्ड रिक्रुटमेन्ट कम्पनीको प्रतिनिधि रहेको र वेयरहाउस तथा फ्याक्ट्रीको काममा एक हजार जना नेपाली नागरिक लैजाने भन्दै प्रचार गरेकी थिइन ।

पछिल्लो समय टिकटक, फेसबुक तथा भाइवरमार्फत नेपाली नागरिकलाई विदेशका विभिन्न देशमा आकर्षक तलब सुविधा देखाइ प्रलोभनमा पार्ने र पैसा उठाई अलपत्र पर्ने क्रम बढ्दै गएको छ ।

सामाजिक सञ्जालको पछि नलाग्न र विभागबाट श्रमिक पठाउन अनुमति लिएका संस्थाबाट मात्र वैदेशिक रोजगारीमा जान पनि विभागले अनुरोध गरेको छ ।

विभागबाट अनुमति नै नलिई विभिन्न महँगा होटल तथा पार्टी प्यालेसमा वैदेशिक रोजगारीको अन्तर्वार्ता लिने र नेपालीहरूसँग रकम असुल्ने क्रम बढेको भन्दै विभागले होटल तथा पार्टी प्यालेसहरूलाई समेत सचेत गराएको छ ।

यदि कोही कसैले वैदेशिक रोजगारी सम्बन्धी अन्तर्वार्ताका लागि बुक गरेमा विभागबाट त्यस कामका लागि अनुमति लिए नलिएको बुझेर मात्र ठाउँ उपलब्ध गराउन सबै होटल तथा पार्टी प्यालेसहरूलाई विभागले अनुरोध गरेको छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्