गुण्डागर्दी गर्ने वडा अध्यक्ष धरौटीमा छुटे

कात्तिक ८, २०७५ बिहीबार १४:४४:३९ | शिव ढुंगाना

ओखलढुंगा– सर्वसाधारणलाई गुण्डागर्दी शैलीमा कुटपिट गर्ने मानेभञ्ज्याङ गाउँपालिका वडा नं–६ थाक्लेका वडा अध्यक्ष हेमराज राई धरौटीमा छुटेका छन् ।

जिल्ला प्रशासन कार्यालयमा २० हजार धरौटी बुझाएर राई छुटेका हुन् । मादक पदार्थ सेवन गरेर अर्पण आयल हर्कपुरका सञ्चालक र स्थानीय युवा ठाकुर अधिकारीमाथि आक्रमण गरेपछि राई कात्तिक ४ गते पक्राउ परेका थिए ।

उनलाई सार्वजनिक शान्तिविरुद्धको कसुरमा मुद्दा चलाइएको थियो । राजनीतिक दबाबपछि उनलाई हतार हतार काजगपत्र मिलाएर धरौटीमा छोडिएको पीडितले बताएका छन् ।

अनुसन्धान सकिएपछि धरौटीमा छोडिएको जिल्ला प्रशासन कार्यालय ओखलढुंगाका सहायक प्रमुख जिल्ला अधिकारी रविन्द्र पौड्यालले जानकारी दिनुभयो । बुधबार साँझ ६ बजे राईलाई थुनामुक्त गरिएको थियो ।

स्थानीय तहको चुनाव अघिसम्म राईले यातायात क्षेत्रमा गुण्डागर्दी गर्दै आएको स्थानीयको आरोप छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्