न्यायाधीश श्रीमानको हस्ताक्षर र औँठाछाप किर्ते गरी जन्मदर्ता बनाइदिने श्रीमती पक्राउ

कात्तिक १४, २०७५ बुधबार २०:१५:४८ | सुमित्रा कोइराला

उदयपुर – हस्ताक्षर र औँठाछाप किर्ते गरेको अभियोगमा सर्वाेच्च अदालतका न्यायाधीशकी पत्नी पक्राउ परेकी छिन् ।

सर्वोच्च अदालतका न्यायाधीश प्रकाशमानसिंह राउतकी पत्नी ललिता राउतलाई किर्ते अभियोगमा सोमबार उदयपुर प्रहरीले पक्राउ गरेको हो । न्यायाधीशका बाबु बलबहादुर राउतको जाहेरीले बुहारी ललितासहित उनका दाजु बाबुराम चौहान र भाउजूलाई इलाका प्रहरी कार्यालय कटारीले नियन्त्रणमा लिएर अनुसन्धान सुरु गरेको छ ।

न्यायाधीश प्रकाशमानसिंह राउतको हस्ताक्षर र औँठाछापसमेत किर्ते गरेर अरुकै बच्चालाई आफ्नो भनेर जन्मदर्ता गराएको अभियोगमा मुद्दा दर्ता गरी अनुसन्धान सुरु गरेको इलाका प्रहरी कार्यालय कटारीका प्रहरी नायव निरीक्षक ध्रुव श्रेष्ठले बताउनुभयो ।

कटारी नगरपालिका वडा नम्बर ३ बाट नक्कली जन्मदर्ता गराएको भन्दै प्रहरीले उनीहरुलाई पक्राउ गरेको हो । उनीहरुमाथि किर्ते मुद्दामा म्याद थप गरेर अनुसन्धान भइरहेको प्रहरीले जनाएको छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमित्रा कोइराला

सुमित्रा कोइराला उदयपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्