उज्यालो समाचार प्रभाव : राजमार्गको जग्गा बेच्ने बाबुछोरा पक्राउ

जेठ २६, २०७५ शनिबार ११:५६:३३ | सुमित्रा कोइराला

उदयपुर – त्रियुगा नगरपालिका ३ मोतिगडामा रहेको सगरमाथा राजमार्गको कदमाहा–गाईघाट सडक खण्डमा पर्ने करिब ८ कठ्ठा जग्गा बिक्रि गर्ने बाबुछोरा पक्राउ परेका छन् ।

राजमार्गको जग्गा बिक्रि गरेको आरोपमा त्रियुगा नगरपालिका वडा नम्बर ३ बस्ने ८७ वर्षका शिवप्रसाद दाहाल र उनका छोरा बुद्धिप्रसाद दाहाल पक्राउ परेका हुन ।
सगरमाथा हाईवेको जग्गा बिक्रि गरेको आरोपमा बाबुछोरालाई नै पक्राउ गरेको जिल्ला प्रहरी कार्यालय उदयपुरका एसपी नवराज भट्टले जानकारी दिनुभयो ।

शुक्रबार उज्यालो अनलाइनमा मालपोत कर्मचारीको मिलेमतोमा राजमार्गको जग्गा बिक्रि भन्ने समाचार प्रकाशित भएको थियो । एसपी भट्टले उज्यालो अनलाइनमा प्रकाशित भएको समाचार थाहा पाएपछि जग्गा बिक्रि गर्ने बाबुछोरालाई शनिबार पक्राउ गरिएको बताउनुभयो ।

बाबुछोरा दुवैलाई जिल्ला प्रहरी कार्यालयमा राखेर घटनाको अनुसन्धान गरिएको भट्टले बताउनुभयो । मालपोत कार्यालयको मिलेमतोमा स्थानीय शिवप्रसादले सडकको नाममा रहेको ७ कठ्ठा १९ धुर जग्गा बिक्रि गरेका थिए । त्यो जग्गा ललितपुर खोकना ३ का नेपाल डंगोललाई १ करोड २७ लाख २० हजारमा रजिष्ट्रेसन पास गरी बिक्रि गरिएको थियो ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमित्रा कोइराला

सुमित्रा कोइराला उदयपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्