प्रिमियर लिग : म्यानचेस्टर सिटी र चेल्सीकाे बराबरी, लिभरपुलले ब्रेन्टफोर्डलाई हरायाे

फागुन ६, २०८० आइतबार ६:५३:२२ | उज्यालो सहकर्मी

काठमाण्डाै - इङ्लिस प्रिमियर लिग फुटबलमा म्यानचेस्टर सिटी र चेल्सीले एक/एक गोलको बराबरी खेलेका छन् ।

चेल्सीले खेलको पहिलो हाफमा बनाएको अग्रता दोस्रो हाफमा जोगाउन सकेन । चेल्सीका रहिम स्टर्लिङले खेलको ४२ औँ मिनेटमा गोल गरेका थिए । तर सिटीका रोड्रीले ८३औँ मिनेटमा गोल फर्काए । बराबरीसँगै सिटी र चेल्सीले अङ्क बाँडेका छन् ।

सिटी २४ खेलमा ५३ अङ्कसहित तालिकाको तेस्रो स्थानमा छ । चेल्सी २५ खेलमा ३५ अङ्कसहित दशौँ स्थानमा छ ।

यस्तै, हिजो भएको खेलमा लिभरपुलले ब्रेन्टफोर्डलाई हराएको छ । ब्रेन्टफोर्डको घरेलु मैदानमा भएको खेलमा लिभरपुलले ब्रेन्टफोर्डलाई ४–१ गोलले हराएको हो । जितसहित लिभरपुलले दोस्रो स्थानको आर्सनलसँग दुई अङ्कको अग्रता बनाएको छ ।

लिभरपुलले २५ खेलबाट ५७ अङ्क जोडेको छ । समान खेलमा आर्सनलको ५५ अङ्क छ । आर्सनलले हिजै बेलुका भएको खेलमा बर्नलीलाई ५–० गोलले हराएको हो ।

यस्तै, उल्भ्सले टोटेनहमलाई २–१ गोलले पराजित गर्दा एस्टन भिल्लाले फुलह्यामलाई २–१ गोलले हरायो । यस्तै, नटिङ्घम फरेस्टले वेस्ट ह्यामलाई २–० गोलले हरायो । न्युक्यासल युनाइटेड र बर्नमाउथले २–२ को बराबरी खेले ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्