चर्को खडेरीले अमेजन बेसिनका ४ लाख जनाभन्दा धेरै बालबालिका भ...
कात्तिक २२, २०८१ बिहिबार
चिडियाखाना पुगेका पारस खड्काले सोधे : गैँडाले किन खुट्टा खोच्याएको ?
ललितपुरको सदर चिडियाखानामा रहेको हात्तीलाई खाने कुरा खुवाउँदै नेपाली राष्ट्रिय क्रिकेट टोलीका खेलाडी
नारायण ढुङ्गाना/रासस ।
काठमाण्डौ – ‘गैँडाको मुख्य खाना घाँस हो, फलफूल गेडागुडी स्याउला पनि खान्छ, चिडियाखानामा पुरै घाँसले पुर्याउन सकिँदैन, केरा, स्याउ, बन्दा, चना, पिठोलगायत १०-१२ प्रकारका खानेकुरा दिनमा पाँच-छ पटक खुवाइन्छ ।’ नेपाली राष्ट्रिय क्रिकेट टिमका कप्तान पारस खड्काको जिज्ञासामा सदर चिडियाखानाका सहायक क्यूरेटर (प्राविधिक) गणेश कोइरालाले व्याख्या गर्नुभयो ।
एकै छिनमा खुट्टा खोच्याउँदै एउटा गैँडा नजिक आयो । क्याप्टेन पारसले फेरि चासो राख्नुभयो, ‘गैँडाले किन खुट्टा खोच्याएको ?’ ‘बाघले आक्रमण गरेर खुट्टाको पिँडुला खाइदिएको थियो, अझै समस्या छ, अर्को परको गैँडाको टाउकोमा खाल्डो छ त्यो पनि बाघले नै आक्रमण गरेर खाइदिएको थियो, अहिले निको भयो ।’
पारससँगै अन्य खेलाडीले पनि नजिकबाट बाघ, गैँडा, भालु, रेडपाण्डा, अर्नालगायत वन्यजन्तु नियाले । उनीहरुले चिडियाघरमा रहेको हात्तीलाई कुची, केरालगायतका खानेकुरा नै खुवाए ।
राष्ट्रिय प्रकृति संरक्षण कोषको व्यवस्थापन रहेको सदर चिडियाखाना ललितपुरमा पुगेका राष्ट्रिय क्रिकेट टिमका खेलाडीलाई वन्यजन्तुसँग नजिक हुने अवसर कोष र क्रिकेट खेलाडी सङ्घ नेपालले मिलाएको थियो ।
पारस खड्कासँगै राष्ट्रिय खेलाडी सोमपाल कामी, शरद भेषवाकर, करण केसी, सुसन भारी, सन्दीप जोरा, वसन्त रेग्मी, विक्रम सोभ, भीम सार्की, रोहितकुमार पौडेल, प्रदीप ऐरी, रसिद खान, पवन सर्राफ, अविनाश बोहरा, ललितनारायण राजवंशी, विनोद भण्डारी, ललित भण्डारी, दीपेन्द्रसिंह ऐरी सहभागी हुनुहुन्थ्यो ।
खेलाडीले चिडियाखानामा भएका जनावर हेर्ने काम मात्रै गरेनन्, उनीहरुले वन्यजन्तुको महत्व र यसबाट मानव समुदायमा पर्ने प्रभावका बारेमा समेत जान्ने अवसर प्राप्त गरेका थिए ।
एक वर्ष अगाडि नै प्रकृतिसँग खेलाडीलाई जोड्ने प्रयास गरिएकामा यसपटक सफल भएको सदर चिडियाखानाका कार्यक्रम व्यवस्थापक डाक्टर चिरञ्जीवी पोखरेलले बताउनुभयो । खेलाडीमार्फत बढीभन्दा बढी प्रचारप्रसार हुने र वन तथा वन्यजन्तु संरक्षणमा जनचेतना फैलाउन सकिने भएकाले पनि राष्ट्रिय खेलाडीलाई भ्रमण गराइएको डाक्टर पोखरेलले बताउनुभयो ।
चिडियाखाना अवलोकनपछि कप्तान खड्काले भन्नुभयो, ‘वन्यजन्तु संरक्षणको बारेमा धेरै कुराहरु थाहा पायौँ, नेपालमा जति पनि निकुञ्जहरु छन् त्यहाँ कसरी जनावर राखिएको छ, आगामी दिनमा संरक्षणमा खेलाडीले कसरी भूमिका खेल्न सकिन्छ भन्ने विषयमा जान्ने मौका पायौँ, अवश्य पनि सँगसँगै जाँदा प्रकृति संरक्षणमा ठूलो सन्देश जान्छ, हामी संरक्षणमा लाग्छौँ ।’
विश्वव्यापी जलवायु परिवर्तनको समस्या बढिरहेका बेला क्रिकेटरमार्फत प्रकृति संरक्षणमा चेतन फैलाउँदा विश्वमा ठूलोे सन्देश जाने र नेपालले संरक्षणमा गरेको योगदान पनि विश्वसामु फैलने विश्वास रहेको कप्तान खड्काले बताउनुभयो ।
क्रिकेट खेलाडी सङ्घका अध्यक्षसमेत रहनुभएका राष्ट्रिय प्रकृति संरक्षण कोषका वरिष्ठ संरक्षण अधिकृत डाक्टर मनिषराज पाण्डेले प्रकृति भनेको सबैको साझा सम्पत्ति भएको उल्लेख गर्दै क्रिकेट खेलाडीलाई दूतको रुपमा लिन सकिने भएकाले उनीहरुलाई संरक्षण क्षेत्रमा लगाउँदा राम्रो सन्देश जाने बताउनुभयो ।
राष्ट्रिय खेलमार्फत ठुलो योगदान पुर्याइरहेका बेला प्रकृति र वन्यजन्तुसँग साक्षात्कार गराएर प्रकृतिसँग नजिक बनाउँदै सँगसँगै लैजाऔँ भन्ने उद्देश्य कार्यक्रमको रहेको पाण्डेको भनाइ थियो । कोषका कार्यक्रम निर्देशक सरिता ज्ञवालीले राष्ट्रिय प्रकृति संरक्षण कोषले संरक्षणमा गरेको योगदानबारे खेलाडीलाई जानकारी गराउनुभएको थियो ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
1 Comments
समाचार
-
-
पालिका उपचुनाव : रास्वपाले सातै प्रदेशमा जिम्मेवारी ताेक्याे
कात्तिक २२, २०८१ बिहिबार
-
मानव तस्करीमा जोडिएर कोशी प्रदेशको मन्त्रीबाट राजीनामा दिएका ...
कात्तिक २२, २०८१ बिहिबार
-
करेन्ट लागेर मकवानपुरमा नेपाली सेनाका लेसनायकको ज्यान गयो, ...
कात्तिक २२, २०८१ बिहिबार
-
पाेखरा अन्तर्राष्ट्रिय विमानस्थलमा सिचुआन एअरलाइन्सकाे चार्टर्ड उडान
कात्तिक २२, २०८१ बिहिबार
-
सीतापाइला–धार्के सडक भोलिदेखि १५ दिनका लागि बन्द हुने
कात्तिक २२, २०८१ बिहिबार
-
अस्ट्रेलियाले १६ वर्षभन्दा कम उमेरका बालबालिकालाई सामाजिक सञ्ज...
कात्तिक २२, २०८१ बिहिबार
-
सरकारले निर्माण व्यवसायीलाई ५ अर्ब रुपैयाँ भुक्तानी गर्याे
कात्तिक २२, २०८१ बिहिबार
-
अजरबैजानको बाकुमा आयोजना हुने 'कोप–२९' का लागि नेपालको तय...
कात्तिक २२, २०८१ बिहिबार
-
५० ओभरकाे क्रिकेट अझै धेरै खेल्नुपर्ने देखियाे : कप्तान राेहित
कात्तिक २२, २०८१ बिहिबार
-
एसईईमा परीक्षा निरीक्षकको लापरवाहीले अनुत्तीर्ण भएका खाेटाङका...
कात्तिक २२, २०८१ बिहिबार
-
'लिग–टु' का ८ खेलमा ४ अङ्क जोडेर नेपाली टाेली स्वदेश फर्कियो
कात्तिक २२, २०८१ बिहिबार
-
१९ वर्षमुनिको महिला विश्वकप छनोट : नेपालले कुवेतलाई १ सय ८ ...
कात्तिक २२, २०८१ बिहिबार
-
इजरायलको हवाई आक्रमणबाट लेबनानमा ४० जनाको ज्यान गयो
कात्तिक २२, २०८१ बिहिबार
विचार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
-
डेङ्गी सङ्क्रमणको उच्च जोखिम कात्तिक मसान्तसम्म
कात्तिक २१, २०८१ बुधबार
-
भाइमसलामा पाइने पौष्टिक तत्त्व : नेपालमै पाइन्छ थुप्रै फल
कात्तिक १४, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
pradip dhungana
Jan. 15, 2019, 5:35 p.m.I am impressed to read and know this news about Captain Paras. hopefully many would read and also be involved in someways or other in preserving taking care of God given creation and animal world. It would be wise not to give to the animals any stuff from vegetable bazaar. I am concerned the veggeis might be pesticized. in the long run it could be really unhealth food for Zoo animals. I wish there is special grassland for animals and maybe one day Govt could provide large space for the animals. enjoy Nepal. pradip