विश्वकप क्रिकेट : अस्ट्रेलियालाई हराउँदै फाइनलमा पुग्ने इंग्ल्याण्डको लक्ष्य

असार २६, २०७६ बिहीबार ७:१५:१२ | उज्यालो सहकर्मी

एकदिवसीय विश्वकपको उपाधि पहिलोपल्ट उचाल्ने लक्ष्यमा रहेको इंग्ल्याण्डलाई अहिले सबैभन्दा ठूलो र निर्णायक जितको आवश्यकता छ ।

यो खेल बर्मिङघमस्थित एजबास्टोन रंगशालामा नेपाली समयअनुसार बिहीबार दिउँसो सवा ३ बजेदेखि सुरु हुनेछ ।

प्रतियोगिताअघि घरेलु टोली इंग्ल्याण्ड र भारतलाई उपाधिको मुख्य दाबेदार मानिएको थियो । तर, उनीहरुभन्दा माथि थियो साविक विजेता अस्ट्रेलियाको क्षमता ।

लिग चरण अन्तर्गत लर्डसमा खेलिएको खेलमा प्रभावशाली अस्ट्रेलियाले इंग्ल्याण्डमाथि ६४ रनको जित हासिल गरेको सबैको स्मरणमा ताजै छ ।

तर पाँचपल्टको उपाधि विजेता अस्ट्रेलियाले आफ्नो प्रभाव प्रतियोगिता सुरु हुनु अघि नै देखाइसकेको थियो, जतिबेला अभ्यास खेलमा उसले १२ रनको जित हासिल गरेको थियो ।

अर्कोतर्फ इंग्ल्याण्डको प्रदर्शनमा एक रुपताको कमी छ । यस प्रतियोगितामा इंग्लिस टोली मुख्यतः रन चेजमा कमजोर देखिएको छ । श्रीलंकाविरुद्ध २० रनको अप्रत्यासित हारमा इंग्ल्यान्ड २३३ रनमै समेटिएको थियो ।

उनीहरु अस्ट्रलियाविरुद्ध अझै उत्कृष्ट ब्याटिङको प्रयास गर्नेछन् ।

अस्ट्रेलिया पनि उपाधि रक्षा अभियानमा अधिक आत्मविश्वासी देखिएको छ । समूह चरणमा उसले २ हार ब्यहोरेको थियो । दुवै रन चेज गर्ने क्रममा ब्यहोरेको थियो । पछिल्लो खेलमा दक्षिण अफ्रिकाबिरुद्ध ३ सय २५ रनको लक्ष्य पछ्याएको अस्ट्रेलिया १० रनले हारेको थियो ।

यो हारले अस्ट्रेलियाको पोजिसनमा असर परेको थियो र दोस्रो स्थानमा इंग्ल्यान्ड प्रतिद्वन्दी पाएको थियो । चोटग्रस्त शन मार्सको स्थानमा पिटर ह्यान्स्कोबलाई टिममा बोलाइएको छ । जसले विश्वकपमा डेब्यू गर्दैछन् ।

उस्मान ख्वाजाको स्थानमा म्याथ्यू वेडलाई टिममा बोलाइएको छ । वेड पछिल्लो समय उच्च लयमा छन् । अस्ट्रेलिया ए टिमबाट उनी पछिल्लो समय उत्कृष्ट प्रदर्शन गरेका थिए ।

पछिल्ला २ खेलमा भारत र न्युजिल्यान्डलाई हराएपछि इंग्लिस टोली उत्कृष्ट बनेको छ । तर, अस्ट्रलियासँगको पछिल्लो २ हारले उनीहरु मनोबैज्ञानिक रुपमा पछि हुनेछन् ।

यस खेलको विजेताले उपाधिका लागि न्यूजिल्याण्डसँग खेल्नेछ । न्युजिल्यान्डले पहिलो सेमिफाइनलमा भारतलाई १८ रनले हराउँदै लगातार दोस्रोपटक फाइनलमा पुगेको थियो ।

दोस्रो सेमिफाइनल यदि अस्ट्रेलियाले जितेमा गएको संस्करणकै फाइनल दोहोरिनेछ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्