२ दिनअघि भरतपुरबाट हराएकी बालिका मृत फेला

 भदौ २१, २०७६ शनिबार ११:५०:१९ | रासस
unn.prixa.net

चितवन- भरतपुर महानगरपालिका–५ कैलाशनगरबाट दुई दिनअघि हराएकी बालिका मृत भेटिएकी छन् । कैलाशनगर बस्ने ६ वर्षीया स्मृति कार्की घर नजिकैको नहरमा मृत भेटिएको प्रहरीले जनाएको छ ।

प्रहरीका अनुसार बालिका यही भदौ १९ गते आफ्नै घरबाट हराएकी थिइन् । उनी आज बिहान घर नजिकै रहेको नहरमा फेला परेकी थिइन् । उनलाई भरतपुर अस्पताल ल्याइए पनि चिकित्सकले मृत घोषणा गरेको हो । उनको शव परीक्षणका लागि अस्पतालमा राखिएको छ ।

अन्तिम अपडेट: भदौ २९, २०७६

तपाईको प्रतिक्रिया