काठमाण्डौ - स्वास्थ्यमन्त्री भानुभक्त ढकालले कोरोना रोक्न सरकारले कार्यविधि नै बनाएर काम गरिरहेको जानकारी दिनुभएको छ। 

नयाँ वर्ष २०७७ सालको अवसरमा शुभकामना सन्देश दिँदै उहाँले देशलाई पहिले महामारीबाट बचाउन आग्रह गर्दै बाँकी बहस पछि गर्न अनुरोध गर्नुभयो । 

स्वास्थ्यमन्त्री भानुभक्त ढकालले अहिले देशलाई महामारीबाट बचाउनु प्रमुख दायित्व भएको भन्दै यसमा सबैको सहयोगको खाँचो रहेको बताउनुभयो । महामारीविरुद्धको लडाइँमा सबै एकजुट भएर मात्र लड्न पनि उहाँले आग्रह गर्नुभयो । 

पालिका र प्रदेश सरकार तथा सुरक्षार्मी र सञ्चारकर्मीलाई कोरोनाको रोकथाममा सहयोग गर्न आग्रह गर्नुभएको छ । कोरोना सङ्क्रमणको सबै उपचार निःशुल्क गर्ने पनि उहाँले बताउनुभयो । 

कोरोनाको आशंका गरिएका व्यक्ति र कोरोना सङ्क्रमित बाहेकका बिरामीको उपचारका लागि पनि सरकार गम्भीर रहेको बताउनुभयो । उहाँले लकडाउनको पूर्ण पालना गर्दै क्वरेन्टीनमा बस्न आग्रह गर्दै कोरोना रोकथाम र उपचारमा खटिएकालाई शतप्रतिशत भत्ताको व्यवस्था गरेको पनि दोहोर्याउनु भयो ।

यो पनि पढ्नुहोस्

खाडी र मलेसियामा साेमबारकाे कोरोना अपडेट : सङ्क्रमितकाे सङ्ख्या १९ हजार नाघ्याे, ४९ नेपालीमा सङ्क्रमण

---