मकवानपुर - सधैँ भरिभराउ हुने मकवानपुरको पर्यटकीय क्षेत्र सुनसान भएको छ ।

कोरोना भाइरस (कोभिड १९) को सङ्क्रमण फैलन नदिन सरकारले गरेको लकडाउनका कारण मकवानपुरका पर्यटकीय क्षेत्र सुनसान भएका हुन् । नयाँ वर्षका अवसरमा हेटौंडाको शहीद स्मारक, वनस्खण्डी, पुस्पलाल पार्क लगायतका क्षेत्रमा पहिले घुम्न आउनेहरुको घुइंचो भएपनि आज भने निकै सुनसान छ । 

यसैगरी मकवानपुरको दामन, सिमभन्ज्याङ, मकवानपुरगढी लगायतका पर्यटकीय क्षेत्रमा सुनसान भएको हो । लकडाउनका कारण मकवानपुरका सबैजसो नागरिक घरबाट बाहिर निस्केका छैनन् ।

आजबाट विक्रम संवत् २०७७ सालको नयाँ वर्ष सुरु भएको छ । वैशाख १ गते नयाँ वर्षको पहिलो दिन सवैतिर सामाजिक सञ्जाल, टेलिफोन, म्यासेजबाट शुभकामना आदान प्रदान गर्दै नयाँ वर्ष मनाउन लागिएको छ ।  

विश्वका जुनसुकै कुनामा बस्ने नेपालीले वैशाख १ गतेलाई नयाँ वर्षका रुपमा हर्षोल्लासका साथ मनाउँछन् । हरेक व्यक्तिले आज गत वर्ष गरेका कामको सफलतारअसफलता मूल्यांकन गरी असफलता दोहरिन नदिने र सफलता प्राप्त गर्न योजना निर्माण एवं संकल्प गर्दछन् ।

विगतमा होटल, रेष्टुरेन्ट, पार्क लगायतका स्थानमा भेला भएर नयाँ वर्ष मनाउने गरिए पनि यस वर्ष कोरोना भाइरस महामारीको जोखिमका कारण नेपालीहरुले घरमै बसेर नयाँ वर्ष मनाउँदैछन् ।

कोरोना सङ्क्रमणको जोखिमका कारण विगत वर्षमा जस्तो घुमफिर एवं मेला महोत्सवमा सहभागी हुन सरकारले प्रतिबन्ध लगाएको छ । साथीभाइ एवं इष्टमित्रसँग भेटघाट गरेर मनाउन यस वर्ष बन्दाबन्दीका कारण सहज छैन । प

शुपतिनाथ मन्दिरलगायत देशभरका मन्दिरमा पूजाआराधना एवं दर्शनका लागि लाग्ने भीड पनि यस वर्ष छैन । भीडभाड भइ रोग सर्नसक्ने भएकाले सजगता अपनाउँदै धेरै मन्दिरमा सूचना टाँस गरी मूल ढोकामा ताला लगाइएको छ ।