काठमाण्डौ - जिल्ला प्रशासन कार्यालय काठमाण्डौबाट पास लिनेहरुको भिड अझै कम भएको छैन । 

सरकारले भिडभाड बढेसँगै अत्यावश्यक कामका लागि अनलाइनबाटै ई–पास लिने व्यवस्था गरेको थियो । तर जिल्ला प्रशासन कार्यालय काठमाण्डौले पारिवारिक मृत्यु संस्कारका लागि बाहेक अन्य कामका लागि पास वितरण नगर्ने बताएपछि अहिले कार्यालयमै आएर पास माग गर्नेहरुको संख्या बढेको हो । 

जसले गर्दा जिल्ला प्रशासन कार्यालय अगाडि भिडभाड हुन गइ कोरोना भाइरस सङ्क्रमणको जोखिम बढेको छ । 

सोमबार दिउँसो पनि प्रशासन कार्यालय अगाडि यस्तै भिडभाड देखिएको थियो । पास लिन आउनेहरुले पनि मृत्यु संस्कारका लागि पास मागेका भने होइनन् । कोहीले काठमाण्डौमा खानेकुरा सकिएपछि घर जान त कोही कार्यालय प्रयोजनका लागि पास माग्न आउने गरेको कार्यालय बताएको छ। 

गृह मन्त्रालयले पास वितरण गर्दा लकडाउन उलङ्घन हुने र न्यूनतम सामाजिक दूरी कायम गराउन कठिन भएपछि अनलाइनबाटै ई-पास लिने व्यवस्था गरेको थियो। 

यो पनि पढ्नुहोस्

साेमबार खाडी र मलेसियामा कोरोना सङ्क्रमणकाे अवस्था