काठमाण्डौ – कोरोना भाइरस (कोभिड १९) को सङ्क्रमण थप फैलिन नदिन जर्मनीमा यस वर्ष चर्चित बियर फेस्टिभल (अक्टोबरफेस्ट) नहुने भएको छ ।

जर्मनीमा हरेक वर्ष यस कार्यक्रमको आयोजना हुन्छ, जसमा झण्डै ५० देखि ६० लाख मानिस सहभागी हुन्छन् । यस वर्ष यो फेस्ट १९ सेप्टेम्बरदेखि ४ अक्टोबरको बीच हुने तय भएको थियो । तर विश्वभर कोरोनाको प्रकोप बढिरहेको हुँदा जर्मनीले बियर फेस्टिभल रद्द गरेको हो ।

बियर फेस्टिभल रद्द हुँदा म्युनिखको अर्थव्यवस्थामा नराम्रो असर पर्नेछ । समाचार एजेन्सी रोयटर्सका अनुसार बियर फेस्टिभलबाट म्युनिख शहरले हरेक वर्ष झण्डै १ दशमलव ०७ बिलियन डलर कमाइ गर्छ ।

कोरोना भाइरसबाट जर्मनी पनि प्रभावित भएको छ । जर्मनीमा अहिलेसम्म एक लाख ४७ हजारभन्दा बढी सङ्क्रमित भएका छन् भने चार हजार आठ सयभन्दा धेरैको ज्यान गएको छ ।

यो पनि पढ्नुहोस्:

अप्रिल २१ : खाडी र मलेसियामा कोरोना सङ्क्रमितकाे सङ्ख्या ३४ हजार नाघ्याे

---