काम साँची आफूलाई, खान साँची अर्कालाई भन्छन् बुढापाका । ब्यक्तिगत घटना दर्ता नगरि बस्नु भनेको पनि पछिसम्म आफ्नै लागि काम साँचेर राख्नु जस्तै हो । बेलैमा जन्मदर्ता नगर्दा केटाकेटीलाई बिद्यालय भर्ना गर्न समेत पाईदैन । बिवाह दर्ता नगर्दा नाता प्रमाणित गर्ने कानूनी कागज हातमा हुँदैन । जन्मदेखि मृत्युसम्मका हरेक घटना दर्ता गरेको खण्डमा सरकारी अड्डामा फटाफट काम हुन्छ । त्यसैले, आफूसँग सम्बन्धित सबै घटना ३५ दिन भित्र वडा कार्यालयमा दर्ता गरि हाल्नु पर्छ । नत्र कतिबेला कहाँ अप्ठेरो पर्छ भन्न सकिन्न । त्यसैले त भनेको ब्यक्तिगत घटना दर्ता नगर्नु भनेको काम साँचेर पछिका लागि दु:ख बोकर राख्नु जस्तै हो । 

व्यक्तिगत घटना दर्ताका बारेमा विस्तृत जानकारी एन्ड्रोइड मोवाइलको थाहा छ (Thaha Chha) मोवाइल एप्लिकेसनबाट पनि लिन सकिन्छ । थाहा छ एप्लिकेसन प्ले स्टोरमा गई डाउनलोड गर्न सकिन्छ । थाहा छ एप्लिकेसन एकपल्ट डाउनलोड गरिसकेपछि इन्टरनेट नहुदाँ पनि चल्छ ।

यो सामग्री मानव अधिकारका लागि महिला, एकल महिला समूह र अक्फाम नेपालको सहयोगमा तयार पारिएको हो ।

मानव अधिकारका लागि महिला, एकल महिला समूह सम्बन्धि थप जानकारीका लागि

फेसबुक: https://www.facebook.com/WHRnepal/

ट्वीटर: https://twitter.com/WHRNepal

वेवसाइट: http://whr.org.np/

इमेल: [email protected]