काठमाण्डौ – वैदेशिक रोजगारीमा जान साउनदेखि अहिलेसम्म ३२ सय ५३ जनाले पुनः श्रम स्वीकृति लिएका छन् । कोरोना महामारीका बीचमा नै विभिन्न देशमा जानका लागि ३२ सय ५३ जनाले पुनः श्रम स्वीकृति लिएका हुन् ।

बिदामा घर आएका तर कोरोना महामारीका कारण यतै रोकिएका श्रमिकहरु महामारीकै बीचमा पनि रोजगारीका लागि विदेश जान खोजेका हुन् ।

यस्तै यही अवधिमा १४९ जनाले वैधानिकीकरण (पहिले अरु नै भिसाका विदेश गएर त्यहाँ काम गरेपछि नेपाल आएर श्रम स्वीकृति लिएको) गरेका छन् । सरकारले फागुन अन्तिम सातादेखि रोकेको पुनः श्रम स्वीकृति गएको असार १८ गतेदेखि खुल्ला गरेको हो ।

यस्तै नयाँ श्रम स्वीकृति पनि सरकारले खुलाएको छ । तर काठमाण्डौमा भएको निषेधाज्ञा र कोरोना प्रभावका कारण अहिले यो निर्णय भने कार्यान्वयनमा आएको छैन ।