रुकुम पूर्व – रुकुम पूर्वमा एक गर्भवतीलाई हेलिकप्टरमार्फत उद्धार गरेर सुर्खेत लगिएको छ । पुथाउत्तरगंगा गाउँपालिका १ मैकोटकी १९ वर्षीया भूमिका पुन मगरलाई हेलिकप्टरमार्फत उद्धार गरेर सुर्खेत लगिएको रुकुम पूर्वका प्रमुख जिल्ला अधिकारी राजकुमार राईले बताउनुभयो ।

ती गर्भवतीलाई साेमवार (हिजाे) राति मात्रै मैकाेट स्वास्थ्य चौकी पुर्‍यायएकाे थियो । पुथाउत्तरगंगा गाउँपालिकाका स्वास्थ्य संयोजक समिर गिरीका अनुसार अहिलेसम्म पनि बच्चा जन्माउन नसकेको र झन् समस्या भएपछि प्रमुख जिल्ला अधिकारी राजकुमार राईको समन्वयमा हेलिकप्टर बोलाएर उद्धार गरिएको हो ।

राष्ट्रपति महिला उत्थान कार्यक्रममार्फत ती गर्भवतीको उद्धार गरिएकाे हाे ।  

भरपर्दो र प्रभावकारी स्वास्थ्य संस्था तथा प्रसूति गृह नहुँदा रुकुम पूर्वका दुर्गम भेगमा गर्भवती तथा सुत्केरी महिलाले जोखिम मोल्दै आएका छन् ।