वेस्ट इन्डिज 'ए' ले नेपाललाई दियाे २ सय ५ रनकाे लक्ष्य
बैशाख १५, २०८१ शनिबार
काठमाण्डाै – फरक फरक ठाउँमा भएका सडक दुर्घटनामा परि दुई जनाले ज्यान गुमाएका छन् । शनिबार संखुवासभामा ट्याक्टर दुर्घटना हुँदा एक जनाको ज्यान गएको छ । संखुवासभाकाे खाँदबारी नगरपालिका वडा नम्बर २ चेवामा प्रदेश १–०२–००३ त १२ २४ नम्बरको ट्याक्टर सडकबाट तल खस्दा चालक मणि तामाङका् ज्यान गएको प्रहरीले जनाएको छ । खाँदबारी नगरपालिका वडा नम्बर ५ लेलुवा घर भएका २५ वर्षका तामाङको जिल्ला अस्पताल संखुवासभामा उपचारका क्रममा ज्यान गएको हो । सहचालक महेन्द्र तामाङलाई थप उपचारको लागि विपी कोइराला स्वास्थ्य विज्ञान प्रतिष्ठान धरान लगिएको छ ।
यस्तै आजै पूर्व–पश्चिम राजमार्गअन्तर्गत सप्तरीको रुपनीमा जीपको ठक्करबाट एक बालकको ज्यान गएको छ । रुपनी गाउँपालिका–६ का तुलसी चौधरीका १० वर्षका छोरा सुशीलको ज्यान गएको सप्तरीका प्रहरी नायब उपरीक्षक माधवप्रसाद काफ्लेले बताउनुभयो । ना २ च ३७५४ नम्बरको जीपको ठक्करबाट घाइते भएका बालकको उपचारका क्रममा ज्यान गएको प्रहरीले जनाएको छ ।