काठमाण्डाै – आईसीसी टी–२० विश्वकप २०२२ को आफ्नो पहिलो खेलमा भारत र पाकिस्तान तथा अष्ट्रेलिया र न्यूजिल्याण्ड खेल्ने भएका छन् ।

अन्तर्राष्ट्रिय क्रिकेट परिषद् आईसीसीले टी–२० विश्वकपको खेल तालिका र समूह सार्वजनिक गरेको छ । भारत र पाकिस्तान एकै समूहमा परेका छन् । सुपर १२ को समूह एकमा इंग्ल्यान्ड, न्युजिल्यान्ड, अष्ट्रेलिया, अफगानिस्तानसँगै पहिलो चरणको समूह ए को विजेता र समूह बी को उपविजेता रहनेछन् ।

समूह दुईमा भारत, पाकिस्तान, दक्षिण अफ्रिका, बंगलादेशसँगै पहिलो चरणको समूह बी को विजेता र समूह ए को उपविजेता रहनेछन् । भारत र पाकिस्तानबीचको खेल अक्टोबर २३ मा मेलबर्न क्रिकेट मैदानमा हुनेछ । साविक विजेता अष्ट्रेलिया र न्युजिल्यान्ड अक्टोबर २२ मा सिड्नी क्रिकेट मैदानमा खेल्नेछन् । गएको अक्टोबर/नोभेम्बरमा भएको टी–२० विश्वकपमा भारत र पाकिस्तान सुपर १२ को समूह दुईमा थिए । पाकिस्तानले विश्वकप इतिहासमै पहिलो पटक भारतलाई १० विकेटले हराएको थियो ।