ललितपुर – ललितपुरको चापागाउँ–सुनाकोठी सडक फेरि कालाेपत्र गर्ने भन्दै ठेकेदार कम्पनीले काम थालेपछि सडक आज शुक्रवारदेखि खुलेकाे छ । गएकाे मङ्गलवारदेखि बन्द सडक आजदेखि खुलेको हाे ।  

सडक फेरि कालोपत्र गर्ने भन्दै ठेकेदारले ग्राबेल अर्थात् बेस झारेर काम गर्न थालेपछि सडक खुला गरेको स्थानीयवासी तथा सडक मर्मत अभियन्ता एवम् राष्ट्रिय प्रजातन्त्र पार्टीका केन्द्रीय सदस्य विनोद खड्काले बताउनुभयो । 

खड्काका अनुसार यसअघि पनि सडक मर्मतका लागि प्रमुख जिल्ला अधिकारीलाई ज्ञापन पत्र बुझाउने लगायत ठेकेदारसँग छलफल गर्ने काम भए पनि कालोपत्रको काम सुरु नभएपछि बाध्यात्मक कदमका रूपमा बाटो बन्द गर्नुपरेको बताउनु भयो । 

‘अब भने सायद यस्तो कठोर कदम चाल्नु नपर्ला’, खड्का भन्नुहुन्छ, ‘अहिले डोजरले बाटो सम्याउने तथा बेस पनि हाल्ने काम भएको छ । चाँडै नै पिचको काम सुरु हुन्छ ।’