थापाथलीकाे प्रसूति गृहबाट २६ दिनकाे शिशु चाेरी, सीसीटीभी फुटेज हेरेर अनुसन्धान गर्दै प्रहरी

फागुन ११, २०८० शुक्रबार १८:१:३ | उज्यालो सहकर्मी

काठमाण्डाै – काठमाण्डौको थापाथलीमा रहेको प्रसूति गृहबाट २६ दिनको शिशु चोरी भएको जिल्ला प्रहरी परिसर काठमाण्डौमा उजुरी परेको छ ।

काभ्रेपलाञ्चोक घर भएकी एक महिलाले आफ्नो शिशु चोरी भएको उजुरी गरेकी हुन् । घटना आज दिउँसो साढे १२ बजेतिर भएको हो । उजुरीकर्ता ओपीडी जाँचका लागि थापाथली अस्पताल पुग्नुभएको थियो । उजुरीपछि प्रारम्भिक अनुसन्धानमा एक जना महिलाले केहीबेर खेलाउने भनेर बोकेको र लगत्तै शिशुलाई लिएर फरार भएको पाइएको छ ।

थापाथली र आसपासका क्षेत्रमा रहेका सीसीटीभी क्यामेरामा कैद भएका फुटेज हेरेर अनुसन्धान भइरहेको जिल्ला प्रहरी परिसर काठमाण्डौका प्रहरी उपरीक्षक (एसपी) नवराज अधिकारीले जानकारी दिनुभयो ।

अन्तिम अपडेट: बैशाख १४, २०८१

थापाथलीकाे प्रसूति गृहबाट २६ दिनकाे शिशु चाेरी, सीसीटीभी फुटेज हेरेर अनुसन्धान गर्दै प्रहरी

तस्बिर : सामाजिक सञ्जाल

तपाईको प्रतिक्रिया