वैदेशिक रोजगारीमा रहेका अनियमितता व्यवस्थित गरिएको छ : प्रधामन्त्री

पुष २२, २०७५ आइतबार १६:१७:२२ | उज्यालो सहकर्मी

काठमाडौं – प्रधानमन्त्री केपी शर्मा ओलीले वैदेशिक रोजगारीमा रहेको अनियमिततालाई व्यवस्थित गरिएको बताउनुभएको छ ।

व्यवस्थापिका संसदमा आइतबार सम्बोधन गर्दै प्रधानमन्त्री ओलीले यसै क्रममा शुन्य लागतमा वैदेशिक रोजगारीमा पठाउने कुरा सुनिश्चित गर्न मलेसिया सरकारसँग श्रम समझदारी गरिएको बताउनुभयो । कतार, युएई र ओमानसँग पनि मलेसियाको जस्तै समझदारी गर्ने तयारी गरिरहेको प्रधानमन्त्रीले जानकारी दिनुभयो ।

प्रधानमन्त्री ओलीले वैदेशिक रोजगारी जानेहरुका लागि प्रदेशबाटै श्रम स्वीकृति दिन थालिएको भन्दै जनकपुर र वुटवलबाट यसको सुरुवात भएको बताउनुभयो ।

सरकारले वैदेशिक रोजगारीभन्दा स्वदेशकै रोजगारीलाई जोड दिएकाले वैदेशिक रोजगारी जानेहरु घटेको पनि बताउनुभयो । उहाँले अघिल्लो आर्थिक वर्षको पहिलो चार महिनाको तुलनामा चालु आर्थिक वर्षमा वैदेशिक रोजगारीमा जाने नेपाली ४१ दशमलव २ प्रतिशत घटेको तथ्याङ्क पनि सुनाउनुभयो ।

तर वित्तिय अनुशासन प्रभावकारी बनाएकाले रेमिट्यान्स भने ३६ प्रतिशतले बढेको प्रधामन्त्रीको सम्बोधनमा उल्लेख छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)