वैदेशिक रोजगार विभागले पीडितका उजुरी निःशुल्क लेखिदिन थाल्यो

वैशाख ३०, २०७६ सोमबार १२:१:५६ | उज्यालो सहकर्मी

काठमाण्डौ – वैदेशिक रोजगार विभागले पीडितका उजुरी निःशुल्क लेखिदिन थालेको छ । वैदेशिक रोजगारमा दुःख पाएर उजुरी दिन कार्यालयमा आएकाहरुबाट निवेदन लेखिदिनेहरुले मनपरी शुल्क लिएको पाएपछि आफैं निवेदन लेखिदिन सुरु गरेको विभागका सूचना अधिकारी भोलानाथ गुरागाईंले जानकारी दिनुभयो ।

पीडित अब व्यक्तिगत उजुरी दिनुपर्ने भए मुद्दा तथा अनुसन्धान शाखाबाट र संस्थागत उजुरी संस्थागत शाखाबाट उजुरी लेखाउन सकिने उहाँले बताउनुभयो । यसले उजुरी लेखाउने नाममा भइरहेको ठगी रोकिने र उजुरी लेख्न अहिले भइरहेको खर्च जोगिने विभागको भनाई छ ।

उजुरी लेख्न बिचौलियाहरुले अहिले सेवाग्राहीहरुसँग दुईदेखि पाँच हजार रुपैयाँसम्म लिने गरेका छन् । योसँगै अहिले देखिएको उजुरीका प्रतिवादीसम्म उजुरीको सूचना चुहिने अवस्थाको पनि अन्त्य हुने विश्वास विभागले जनाएको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)