कोरोनाको कारण साउदीअरबले दुई हप्ताको लागि अन्तर्राष्ट्रिय उडान रोक्ने

 चैत १, २०७६ शनिबार १८:३३:३५ | उज्यालो सहकर्मी

काठमाण्डौ – कोरोना भाइरसको बढ्दो सङ्क्रमणका कारण साउदी अरबले दुई हप्ताको लागि अन्तर्राष्ट्रिय उडान रोक्ने भएको छ ।

कोरोना भाइरसबाट सङ्क्रमितहरुको संख्या साउदीमा दिनानुुदिन बढ्दै गएपछि त्यहाँको सरकारले मार्च १५ अर्थात आइतबारदेखि दुई हप्ताको लागि अन्तर्राष्ट्रिय हवाइ सेवा स्थगित गर्ने जनाएको छ ।

यसलेसाउदीमा रहेका नेपालीहरु आउँदो दुई हप्तासम्म घर बिदामा नेपाल आउने पाउने छैनन् । यस्तै बिदामा नेपाल आएकाहरु पनि यस अवधिमा साउदी फर्किन सक्ने छैनन् । 

उडान स्थगनको कारण साउदी फर्कन नसक्नेहरुका लागि दुई हप्ताको विशेष विदा दिने साउदी सरकारले जनाएको छ ।  

यस्तै साउदी सरकारको निर्णयपछि आफूले दिँदै आएका केही सेवाहरु दुई हप्ताको लागि बन्द गरिएको साउदीको रियादमा रहेको नेपाली दूतावासले जनाएको छ ।
दूतावासले घरेलु कामदारहरुका लागि जारी गरिने पुनः श्रम स्वीकृति सिफारिस दिन बन्द गरेको छ । 

यस्तै अकामा र हुरुबसम्बन्धी आवेदन सङ्कलनका कामहरु पनि बन्द गरिएको दूतावासले जनाएको छ ।

कोरोनाकै कारण साउदी अरब र बहराइनमा रहेका नेपाली दूतावासले यसअघि नै श्रमिकको मागपत्र प्रमाणीकरण गर्न बन्द गरिसकेका छन् । यस्तै कुवेतले पनि दुई हप्ताका लागि उडान राेकिसकेकाे छ ।
 

1 Comments

तपाईको प्रतिक्रिया

समाचार

लोकप्रिय

१

एनपीएलमा समर्थकमाथि अभद्र व्यवहार गर्ने दुई जना पक्राउ, अरूको खोजी चल्दै

२

लामिछानेको सांसद पद निलम्बन नगर्न सभामुख घिमिरेको ध्यानाकर्षण

३

चन्द्रागिरिका वडाध्यक्ष न्हुच्छेबहादुर महर्जन सहकारी ठगी आरोपमा पक्राउ

४

डीपी अर्याल रास्वपाको कार्यबाहक सभापति

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई