कुवेतमा कोरोना सङ्क्रमित नेपालीको सङ्ख्या ११ पुग्यो, स्वास्थ्य सतर्कता अपनाउन दूतावासको आग्रह

चैत ३०, २०७६ आइतबार १७:२०:२ | उज्यालो सहकर्मी

कुवेतमा कोरोना सङ्क्रमित नेपालीको सङ्ख्या ११ पुगेको छ । यो भन्दा पहिले एकजना नेपालीमा सङ्क्रमण देखिएकोमा पछिल्लो समय थप दश जनामा देखिएपछि सङ्क्रमितको सङ्ख्या ११ पुगको कुवेतमा रहेको नेपाली दूतावासले जनाएको छ ।

कुवेतमा सङ्क्रमण बढ्दै गएको अवस्थामा त्यहाँ रहेका नेपाली श्रमिकलाई उच्च स्वास्थ्य सतर्कता अपनाउन दूतावासले आग्रह गरेको छ ।

विश्व स्वास्थ्यसंगठनले जारी गरेका निर्देशनको पालना गर्दै सामाजिक दूरी कायम गर्न, घरबाट अत्यावश्यक अवस्था बाहेक बाहिर ननिस्कन, शारीरिक स्पर्श नहुने गरी अभिवादन गर्न, साबुन पानीले पटक पटक हात धुन वा सेनिटाइजरले नियमित रूपमा हात सफा गर्न, खोक्दा वा हाच्छ्यू गर्दा रूमालले मुख छोप्न दूतावासकाे अनुराेध छ ।

यस्तै पशुजन्य मासु तथा अण्डा राम्रोसँग पकाएर खान, सागपात, फलफूत राम्रोसँग धोएर मात्र खान, जंगली तथा घरपालुवा पशुपंक्षीसँगको असुरक्षित सम्पर्कबाट टाढा रहन, आफू बिरामी परेको बेलामा घरमा छुट्टै कोठामा बस्न तथा ज्वरो, रूघा, खोकी वा श्वासप्रश्वासमा समस्या देखिए स्वास्थ्य संस्थामा सम्पर्क गर्न दूतावासले आग्रह गरेकाे छ ।

लकडाउन तथा कर्फ्यू लागेका बेला लामो समय घर भित्र रहँदा आफूलाई स्फूर्त राख्न व्यायाम तथा योगा गर्न, गीत, संगीत, साहित्य सिर्जना जस्ता रचनात्मक कार्य गर्न पनि दूतावासले सुझाएको छ ।

अहिलेसम्म कुवेतमा ११ जना नेपाली समेत गरी १२ सय ३४ जनामा कोरोना सङ्क्रमण देखिएको छ भने एकजनाको ज्यान गएको छ । यस्तै १४२ जना निको भएर घर फर्केका छन् ।

याे पनि पढ्नुहाेस्

खाडी र मलेसियामा आइतबारको कोरोना अपडेट : सङ्क्रमण बढ्दो, ३९ नेपाली सङ्क्रमित, ५ जना निकाे भए

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)