कुवेतमा थप १३ जना नेपालीलाई कोरोना सङ्क्रमण, सङ्क्रमितको सङ्ख्या ६४ पुग्यो

वैशाख १८, २०७७ बिहीबार २०:११:२१ | उज्यालो सहकर्मी

काठमाण्डौ – कुवेतमा थप १३ जना नेपालीमा कोरोना सङ्क्रमण पुष्टि भएको छ ।

बिहीबारसम्ममा कुवेतमा कोरोना सङ्क्रमित नेपालीको सङ्ख्या ६४ पुगेको कुवेतका लागि नेपाली राजदूत दुर्गाप्रसाद भण्डारीले जानकारी दिनुभयो । मंगलबारसम्ममा ५१ नेपालीमा कोरोना सङ्क्रमण देखिएको थियो ।

सङ्क्रमित सबैको कुवेत सरकारले आफ्ना नागरिक सरह नै उपचार गरिरहेको र अवस्था सामान्य रहेको राजदूत भण्डारीले बताउनुभयो ।

कुवेतमा अहिलेसम्म ४ हजार २४ जनामा कोरोना सङ्क्रमण भएको छ । जसमध्ये १५ सय ३९ जना निको भएका छन् भने २४ सय ५९ जनाको अस्पतालमा उपचार भइरहेको छ । कुवेतमा अहिलेसम्म २६ जनाको कोरोनाका कारण ज्यान गएको छ ।

याे पनि पढ्नुहाेस्

अप्रिल ३० : खाडी र मलेसियामा काेराेना सङ्क्रमितकाे सङ्ख्या ६० हजार नाघ्याे

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)