काठमाण्डौ बाहिरका जिल्लाबाट पनि ई–पासपोर्ट वितरणको तयारी, भोलिदेखि एमआरपी वितरण बन्द हुने

 मंसिर २७, २०७८ सोमबार १०:१५:२९ | उज्यालो सहकर्मी
unn.prixa.net

काठमाण्डाै - काठमाण्डौ उपत्यकाका तीन वटै जिल्लाबाट विद्युतीय राहदानी अर्थात ई–पासपोर्ट वितरण सुरु भएको छ ।

काठमाण्डौ उपत्यका बाहिरका जिल्लाबाट पनि छिटै वितरण सुरु हुने राहदानी विभागले जनाएको छ । विभागका महानिर्देशक डोरनाथ अर्यालले पूर्व–पश्चिम राजमार्गसँग जोडिएका जिल्लाबाट केही दिनभित्रै ई–पासपोर्ट वितरण सुरु हुने जानकारी दिनुभयो । त्यसपछि क्रमशः सबै जिल्लाबाट ई–पासपोर्ट वितरण सुरु हुने उहाँको भनाइ छ ।

विभागले मंसिर १ गतेदेखि काठमाण्डौबाट ई–पासपोर्ट वितरण सुरु गरेको हो । अहिलेसम्म मेसिन रिडेबल पासपोर्ट अर्थात एमआरपी र ई–पासपोर्ट दुवै वितरण हुँदै आएकोमा भोलिदेखि एमआरपी वितरण बन्द हुने भएको छ । अब ई–पासपोर्टको मात्रै काम हुने हुँदा अहिलेसम्म देखिएका झण्झट अन्त्य हुने महानिर्देशक अर्यालको भनाइ छ ।

याे पनि पढ्नुहाेस्।

ई–पासपोर्टको लागि आवेदन दिँदा अनलाइन प्रणालीमा समस्या हुने लगायतका झण्झट देखिएको सेवाग्राहीको गुनासो छ । अब यस्तो गुनासोको अन्त्य हुने र सजिलै ई–पासपोर्ट लिन सकिने अर्यालले दाबी गर्नुभयो । ई–पासपोर्ट बनाउनेले राष्ट्रिय परिचयपत्र वा त्यसको भेरिफाइड नम्बर अनिवार्य भर्नुपर्नेछ।

जिल्ला प्रशासन कार्यालयहरुबाट तत्कालै राष्ट्रिय परिचयपत्र नपाए पनि जिल्ला प्रशासन कार्यालयमा आवेदन भरेपछि पाइने परिचयपत्र नम्बर पासपोर्टमा अनिवार्य गरिएको छ । हातले लेख्ने पासपोर्ट हुँदै मेसिनले पढ्ने र अहिले ई–पासपोर्ट आएको हो ।

चिप्स र विद्युतीय बारकोडसहितको ई–पासपोर्टलाई सुरक्षित र भरपर्दो मानिन्छ।

7 Comments

  • Nirmaya Tamang Lama

    Dec. 15, 2021, 2:08 p.m.

    मलाई पनि इ पासपोर्ट चाहियो /

  • Gobind sahani

    Dec. 14, 2021, 6:49 p.m.

    E-passport

  • Nima sangmu yonjan

    Dec. 14, 2021, 8:06 a.m.

    इ पासपोर्ट बनाउन जिल्लावाट सिफारिस ल्याउनुपर्छ कि पर्दैन , कृपया भनिदिनुस /

  • Arjun Bhattarai

    Dec. 14, 2021, 7:08 a.m.

    इटहरी बासिले कैले बाट जिल्ला बाट लिन मिल्छ ई pasaport .

  • Somlal pakhrin

    Dec. 13, 2021, 11:33 p.m.

    हाल म दुबईमा छु / इ पासपोर्टको फाराम कहिलेदेखि शुरु हुन्छ दुबईमा ? अनि के के पेपर चाहिन्छ ?

  • Bir bdr ghale

    Dec. 13, 2021, 8:48 p.m.

    मेरो एम आर पी छ, अहिलेको लागि काम लाग्छ कि लाग्दैन , भनिदिनुपर्यो /

  • BHAGYA MAN THING

    Dec. 13, 2021, 3:23 p.m.

    मलाई पनि इ पासपोर्ट चाहियो /

तपाईको प्रतिक्रिया

समाचार

लोकप्रिय

१

एनपीएलको सर्वोत्कृष्ट नेपाली खेलाडी दीपेन्द्रले पाए कार

२

नेपालमा जस्तो आतिथ्यता र क्रिकेट समर्थक संसारमा अन्त कतै देखिएन : जिमी निशम

३

अमेरिकाले सिरियाका नेता अल–शराको टाउकोबारे घोषणा गरेको पुरस्कार हटायो

४

सुदूरपश्चिमलाई ५ विकेटले हराउँदै जनकपुरलाई एनपीएलको उपाधि

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई