साउदीको पूर्वी क्षेत्रमा श्रमिकको समस्या समाधानका लागि दूतावासले खटायो छुट्टै कर्मचारी

कात्तिक १, २०७९ मंगलबार ११:१:४३ | उज्यालो सहकर्मी

काठमाण्डौ – साउदीमा रहेको नेपाली दूतावासले साउदीको पूर्वी क्षेत्रमा रहेका श्रमिकको समस्या समाधानका लागि छुट्टै दुई जना कर्मचारी खटाएको छ ।

दूतावासका अनुसार साउदीका स्थानीय नागरिक अब्दुल रहीम र नारायण पासवानलाई यो क्षेत्रमा श्रमिकका समस्या समाधानका लागि खटाएको हो ।

पछिल्लो समय त्यस क्षेत्रमा श्रमिकको समस्या बढ्दै गएपछि दूतावासले आइतबारदेखि एक जना स्थानीय कर्मचारीसमेत थप गरी दुई जना छुट्टै कर्मचारी खटाएको जनाएको छ ।

साउदीको दमाम, जुवेल, खल खोबर, खब्जी, अलहासा लगायतका पूर्वी क्षेत्रमा रहेका श्रमिकका समस्या समाधानका लागि दुवै कर्मचारीले काम गर्ने छन् ।

दूतावासले खटाएका कर्मचारीले साउदी सरकारी निकाय, श्रम कार्यालय, अध्यागमन कार्यालय, जेल, डिपोर्टेशन सेन्टर, अदालत, प्रहरी, सरकारी अस्पताल लगायतका निकायका साथै रोजगारदाता कम्पनीसँग आवश्यक सम्पर्क र समन्वय गरी श्रमिकको समस्या समाधानका लागि काम गर्ने छन् ।

यी क्षेत्रमा रहेका श्रमिकले कुनै समस्या या अप्ठेरो परेमा नारायण पासवानलाई ०५०००८१५३६ नम्बरमा र अब्दुल रहीमलाई ०५०००७४३८६ नम्बरमा सम्पर्क गर्न सकिने दूतावासले जानकारी दिएको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)