दुवईमा एनआरएनएले सुपरमार्केट खोल्ने

 असोज २१, २०७५ आइतबार १०:५९:३४ | उमाकान्त पाण्डे

युएई – एनआरएन युएईले दुवईमा एनआरएनए सुपरमार्केट सञ्चालनमा ल्याउने तयारी सुरु गरेको छ । गैरआवासीय नेपाली संघ राष्ट्रिय समन्वय परिषद् युएईको नियमित कार्य समिति भेलाले कार्ययोजना सहित सुपरमार्केट सञ्चालन गर्ने योजना सार्वजनिक गरेको हो । 

युएईका सातै वटा राज्यमा पालैपालो कार्य समिति भेला गर्ने नीति अनुरुप शुक्रबार फुजेराहमा भएको भेलाले सुपरमार्केट सञ्चालन गर्ने विषयमा निर्णय गरेको हो । 

सुपरमार्केटमा एनआरएन तथा अन्यले समेत लगानी गर्न सक्ने व्यवस्था गरिनेछ । त्यसका लागि केन्द्रीय उपाध्यक्ष नेत्र शर्माको संयोजकत्वमा छुट्टै कार्यदल बनाएर काम गरिने संघका प्रवक्ता मनु क्षेत्रीले जानकारी दिनुभयो । 

एनआरएन युएईले दसैँमा शुभकामना आदानप्रदान र तिहारमा देउसी भैलो कार्यक्रम सहित नोभेम्बर २३ मा वार्षिक उत्सव मनाउने जनाएको छ । त्यस्तै डिसेम्बर महिनामा विभिन्न अस्पतालमा गएर लामो समय उपचाररत नेपालीको लगत राख्ने तथा आबश्यक सहयोग गरिने भएको छ । 

जनवरी महिनालाई युएईमा सपरिवार बस्दै आएका परिवारसँग भेटघाट तथा सामाजिक अभियानमा सहभागी बनाउन ‘फेमिली डे’ कार्यक्रम गरिनेछ । फ्रेबुअरी महिनालाई जनचेतना तथा श्रमिक क्याम्प भ्रमण गर्ने र दूतावासको समन्वयमा मजदुर क्याम्पमा जनचेतना कार्यक्रम गर्ने गरी जनचेतना महिनाका रुपमा घोषणा गरिएको एनआरएन युएईका अध्यक्ष रमेश श्रेष्ठले जानकारी दिनुभयो ।
 

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ। 

1 Comments

  • Ganesh singh rawal

    Oct. 7, 2018, 2:16 p.m.

    म हाल दुबइ मा छु।राम्रो सोचाइ हो ,लगानि कस्ले गर्ने, लगानिका मापदण्ड के हुन ।

तपाईको प्रतिक्रिया

समाचार

लोकप्रिय

१

अपदस्थ प्रधानमन्त्री हसिनालाई भारतबाट फिर्ता ल्याउने बङ्गलादेशको तयारी

२

च्याम्पियन्स ट्रफीकाे खेल तालिका सार्वजनिक, भारत र पाकिस्तानबीचकाे खेल फेब्रुअरी २३ मा

३

दक्षिण कोरियामा ६५ वर्षमाथिको जनसङ्ख्या २० प्रतिशत पुगेसँगै जनसाङ्ख्यिक सङ्कट

४

अजरबैजान एअरलाइन्सकाे यात्रुवाहक विमान काजाकस्तानमा दुर्घटना

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई