राहदानी विभागले अबदेखि अनलाइन बुकिङ दिउँसो साढे तीन बजेदेखि खुला गर्ने

पुष ४, २०७९ सोमबार १७:४५:३० | उज्यालो सहकर्मी

काठमाण्डौ – राहदानी विभागले विद्युतीय राहदानीको प्री इनरोलमेन्टका लागि बुकिङ खुला गर्ने समय परिवर्तन गरेको छ ।

यसअघि बिहान ११ बजे बुकिङ खुला गर्दै आएको विभागले अबदेखि दिउँसो ३ बजेर ३० मिनेटमा अनलाइन बुकिङ खोल्ने जनाइएको छ । बिहानको समयमा अत्यधिक चापको कारण वेबसाइटमा प्राविधिक समस्या देखिने र सेवाग्राहीले फारम भर्नै नसक्ने भएपछि अनलाइन बुकिङको समय परिवर्तन गरेको विभागले जनाएको छ ।

जिल्ला र इलाका प्रशासन कार्यालयले पनि यही समयमा बुकिङ खुला गर्दा विभागको पेज खुल्नै समय लाग्ने र हाई ट्राफिक भोलुम भन्नेजस्ता समस्या देखिएपछि राहदानी विभागमै आएर राहदानी बनाउनेहरूका लागि अबदेखि दिउँसो साढे तीन बजे अनलाइन बुकिङ खुला हुनेछ ।

विद्युतीय राहदानीका लागि अनलाइनबाटै प्री इनरोलमेन्ट गरी तोकिएको समय र मितिमा मात्र कार्यालयमा उपस्थित हुन पर्छ । कार्यालयले अनलाइन बुकिङ खुला नगरेको समयमा अनलाइन प्री इनरोलमेन्ट गर्न मिल्दैन ।

विभागले दैनिक निश्चित कोटा तोकेर अनलाइन बुकिङ खुला गर्छ ।

1 Comments

Ganesh parajuli
Dec. 19, 2022, 8:15 p.m.
यो कुरामा म सहमत छैन , किनभने पासपोर्ट बनाउने अधिकार सबै नेपाली नागरिकको हो / समय र मिति तोकिदिंदा एजेन्टले फर्म भरेको नै ३-५ हजार लिने गरेका छन् / यसको जिम्मा कसले लिने ?? एजेन्टले फर्म भर्दा चाहेको समय पाउने ? अनि हामीले अनलाइन भर्दा समय नै नपाउने ?? यो प्रक्रिया अविलम्व बन्द होस् , फर्म जहिले पनि खुल्ला गर्नुस, भीड नै हुँदैन , सजिलो गरे सबै आफ्नो समयमा आउछन / समस्या समाधान !

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

राहदानी विभागले अबदेखि अनलाइन बुकिङ दिउँसो साढे तीन बजेदेखि खुला गर्ने

1 Comments

Ganesh parajuli

तपाईको प्रतिक्रिया