वैदेशिक रोजगारीमा हुँदा महिलासँग अश्लिल संवाद, नेपाल फर्किने बित्तिकै पक्राउ

पुष १०, २०७९ आइतबार १३:५३:३५ | उज्यालो सहकर्मी

काठमाण्डौ – महिलालाई अश्लिल म्यासेज पठाएर मानसिक दुःख दिने एक जनालाई प्रहरीले त्रिभुवन विमानस्थलबाट पक्राउ गरेको छ ।

वैदेशिक रोजगारीको क्रममा दुबई गएका रुपन्देहीका विश्वनाथ कुर्मीलाई नेपाल फर्किने क्रममा गएको शुक्रबार प्रहरीले पक्राउ गरेको हो । कुर्मीले पीडित महिलासँग म्यासेन्जरमा गरेका अश्लिल संवादको स्क्रिनसटसहित अभिलेख बनाइ ती महिलाको आफन्त तथा साथीहरुलाई समेत पठाइ महिलालाई मानसिक यातना दिने गरेको प्रहरीले जनाएको छ ।

प्रहरीका अनुसार कुर्मीलाई विद्युतीय कारोबार ऐन २०६३ अन्तर्गतको कसूरमा पक्राउ गरिएको हो । काठमाण्डौ जिल्ला अदालतबाट ४ दिनको म्याद लिइ यसबारे थप अनुसन्धान भइरहेको प्रहरीले जनाएको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)