राहदानी विभागको सिस्टममा समस्या, राहदानी वितरण सेवा अवरुद्ध

पुष १९, २०७९ मंगलबार १४:३६:३६ | उज्यालो सहकर्मी

काठमाण्डौ – राहदानी विभागको सिस्टममा समस्या आएपछि बनेको राहदानी वितरण कार्य अवरुद्ध भएको छ ।

आइतबारदेखि नै सिस्टममा समस्या आएपछि राहदानी आवेदनको अवस्था हेर्ने तथा राहदानी वितरण कार्य अवरुद्ध भएको विभागका प्रवक्ता दुरपदा सापकोटाले जानकारी दिनुभयो ।

अर्को सूचना जारी नहुँदासम्म बनेको राहदानी लिनका लागि नआउन विभागले अनुरोध गरेको छ । सिस्टममा आएको समस्या समाधानका लागि निरन्तर काम गरिरहेको भन्दै विभागले सिस्टम पूर्ण रूपमा सुरु हुन केही समय लाग्ने जनाएको छ ।

तर सिस्टमबाट नयाँ राहदानीका लागि आवेदन दिन भने सकिन्छ । विभागले राहदानीको आवेदनका लागि दिउँसो साढे तीन बजे अपोइन्टमेन्ट डेट बुकिङ खुला गर्दै आएको छ ।

यसअघि नै समय लिइसकेकाहरूलाई भने निर्धारित मिति र समयमा नै विभागमा बायोमेट्रिकका लागि उपस्थित हुन प्रवक्ता सापकोटाले अनुरोध गर्नुभयो ।

1 Comments

Mohan Lal Bhusal
Jan. 4, 2023, 12:13 p.m.
किन ढिला गरेको ? मेरो पनि पासपोर्ट अपलाई गरेको छु .... कहिले सममा पासपोर्ट बन्छ ? छिटो भन्दा छिटो गर्नुपर्यो /

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

राहदानी विभागको सिस्टममा समस्या, राहदानी वितरण सेवा अवरुद्ध

1 Comments

Mohan Lal Bhusal

तपाईको प्रतिक्रिया