युवालाई गाउँमै राख्न निःशुल्क कक्षा

फागुन ४, २०७९ बिहीबार १४:३१:४ | रासस

गुल्मी – युवालाई गाउँमै रोक्नका लागि गुल्मीको चन्द्रकोट गाउँपालिकाले स्थायी जागिरका लागि निःशुल्क तयारी कक्षा सञ्चालन गरेको छ ।

लोकसेवा आयोग र शिक्षा सेवा आयोगमा आकर्षित गर्नका लागि गाउँका ४६ युवालाई १८ दिने निःशुल्क कक्षा दिएको गाउँपालिकाका सूचना अधिकारी शिवप्रसाद ज्ञवालीले बताउनुभयो । पहिलो चरणका परीक्षामा सहभागी र यसतर्फ आकर्षित गर्न अभिमुखीकरण गरी विभिन्न चरणमा कार्यक्रम चलाइएको हो ।

कक्षामा मुख्य गरेर पृष्ठपोषण प्रदान गरिएको छ । सहभागी प्रशिक्षार्थी मञ्जू पुन आफूहरू यही कुरा सिक्न तम्घास, बुटवल र काठमाण्डौ जान नपरेकामा खुसी हुनुभयो । अर्का प्रशिक्षार्थी ईश्वरी पौडेलले गाउँपालिकाको रचनात्मक कामबाट आफूहरू गाउँमै बसेर अभिमुखीकरणका कक्षा लिन पाएको बताउनुभयो । सहभागी प्रशिक्षार्थीले यस्तै कक्षा आगामी दिनमा पनि चलाउनुपर्ने बताउनुभएको छ ।

प्रशिक्षकका रूपमा गाउँपालिकाका अधिकृतस्तरका कर्मचारी रहनुभएको थियो । गाउँपालिकाका अध्यक्ष युवराज केसीले चन्द्रकोट क्षेत्रमा लोकसेवा र शिक्षक सेवामा कम आर्कषण रहेकाले आफूहरूले निःशुल्क कक्षा सञ्चालन गरेको बताउनुभयो ।

“हाम्रो भूगोलबाट निजामती र शिक्षक कर्मचारीमा कम आकर्षण छ”, उहाँले भन्नुभयो, “बाध्यताले बाहिर पढ्न जाने बाध्यताको अन्त्य गरेका हौँ ।” उहाँले पहिलो चरणमा निःशुल्क कक्षा सकिए पनि थप कार्यक्रम ल्याउने बताउनुभयो ।

1 Comments

श्रीराम आचार्य
Feb. 16, 2023, 7:18 p.m.
काम स्वागत योग्य छ अध्यक्ष ज्यु हामी जस्ता बिदेशीयका युवाहरूलाई पनि नेपाल मै फर्काइ केही उधमशिल तर्फ आकर्षण गर्ने बाताबरण निर्माण गर्नु पर्ने देखिन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

युवालाई गाउँमै राख्न निःशुल्क कक्षा

1 Comments

श्रीराम आचार्य

तपाईको प्रतिक्रिया