हिमपहिरो खसेर असन्तुलित बनेको वीरेन्द्र ताल सामान्य अवस्थामा फर्कियो

वैशाख १०, २०८१ सोमबार १५:३:४३ | रासस

गाेरखा – मनास्लु हिमालबाट हिमपहिरो खसेर असन्तुलित बनेको गोरखाको वीरेन्द्र ताल सामान्य अवस्थामा फर्कन थालेको छ ।

हिजो बिहान ठूलो हिमपहिरो तालमा खसेपछि तालको पानी छछल्किएर असन्तुलित बनेको थियो । तालको पानी बाहिर निस्किएर बूढीगण्डकी नदीमा मिसिएकोमा अहिले अवस्था सामान्य बनेको गोरखाका प्रमुख जिल्ला अधिकारी भोला दाहालले बताउनुभयो । हिमालबाट तालमा पहिरो खस्ने क्रमसमेत रोकिएको छ । तर यो घटनाले नेपालका हिमतालको जोखिमबारे पनि झक्झकाएको विज्ञहरूले बताएका छन् ।

हिमपहिरो खस्दा वीरेन्द्र ताल फुट्नबाट जोगिएको भए पनि धेरैजसो हिमताल फुट्ने जोखिम हुने प्रधानमन्त्री पुष्पकमल दाहाल प्रचण्डका जलवायु परिर्वतन तथा वातावरण सल्लाहकार डा. पपुलर जेन्टलले बताउनुभयो । हिमतालको पानी पुग्ने नदी तटीय क्षेत्रमा पर्याप्त सावधानी र जोखिम न्यूनीकरणमा ध्यान दिनुपर्ने उहाँको भनाइ छ । हिमतालबाट हुनसक्ने क्षति घटाउन पूर्वसूचना प्रणालीको विकास र समुदायस्तरमा सचेतनाका कार्यक्रम चलाउनुपर्ने उहाँले बताउनुभयो ।

यस्तै जलवायु विज्ञ डा. विमल रेग्मीले हिमालय क्षेत्रमा देखिएको पर्यावरणीय असुन्तलनसँग जलवायु परिवर्तनको प्रत्यक्ष सम्बन्ध रहेको बताउनुभयो । अहिले नयाँ ताल बन्ने, सानो आकारमा रहेका तालको आकार बढ्ने तथा हिमपहिरोका कारण ताल फुट्ने जोखिम पछिल्लो दिनमा बढेको उहाँको भनाइ छ ।

अन्तर्राष्ट्रिय एकीकृत पर्वतीय विकास केन्द (इसिमोड) र संयुक्त राष्ट्र सङ्घीय विकास कार्यक्रम (यूएनडीपी) ले संयुक्तरूपमा गरेको अध्ययनले नेपालका २१ हिमताल जोखिममा रहेको देखाएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्