इजरायली सेनाले गाजाको रफाह शहरमा आक्रमण थाल्यो

वैशाख २५, २०८१ मंगलबार ९:११:४८ | एजेन्सी

इजरायली सेनाले गाजाको रफाह सहरमा आक्रमण शुरु गरेको छ । इजरायलले रफाहमा विद्रोही लडाकु समूह हमासलाई लक्षित गरेर आक्रमण थालेको बीबीसीले जनाएको छ । यसअघि इजरायलले खान युनिस नजिकै रहेको शिविरबाट एक लाख जना शरणार्थीलाई अन्तैका राहत शिविरमा जान आग्रह गरेको थियो । इजरायले हमासको युद्धविराम सम्झौतालाई स्वीकार गरे पनि रफाहमा आक्रमण गरिरहेको छ ।

यसैबीच, युद्धविरामको सम्झौताबारे थप वार्ताका लागि कायरोमा प्रतिनिधिमण्डल पठाउने तयारी गरिरहेको इजरायलले जनाएको छ । यसअघि इजरायलले हमासले गरेको सम्झौता इजरायलको मागभन्दा धेरै टाढा रहेको बताएको थियो । युद्धविरामको लागि इजिप्ट र कतारले मध्यस्थता गरेको थियो । यद्यपी इजरायल र हमासले युद्धको अवस्था ल्याउनुमा एकअर्कालाई आरोप प्रत्यारोप गरेर वार्ता असफल बनाएका थिए । युद्धविराम प्रस्तावका सर्तबारे भने कुनै जानकारी दिइएको छैन ।

यो सम्झौतामा इजरायली बन्दीहरुको रिहाईको बदलामा इजरायली जेलमा रहेका प्यालेस्टिनी बन्दीहरुलाई रिहा गर्ने प्रस्ताव आउने सम्भावना रहेको खबरमा उल्लेख छ ।

यसैबीच, संयुक्त राष्ट्रसङ्घका महासचिव एन्टोनियो गुटेरेसले पनि इजरायलको सरकार र हमासलाई सम्झौतामा सहमत हुन अतिरिक्त प्रयास गर्न आग्रह गर्नुभएको छ । उहाँले इजरायलले हमासमाथि निरन्तर गरिरहेको कारवाही चिन्ताजनक रहेको बताउनुभएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

इजरायली सेनाले गाजाको रफाह शहरमा आक्रमण थाल्यो

तस्बिर : एजेन्सी

तपाईको प्रतिक्रिया