रुसद्वारा युक्रेनको खार्किभ नजिकैको अर्को गाउँ कब्जा, १० हजार जना घर छाडेर भागे

जेठ ५, २०८१ शनिबार १८:७:२९ | एजेन्सी

रुसले युक्रेनको खार्किभ नजिकैको अर्को गाउँ पनि कब्जा गरेको छ । गएको हप्ता भोभचान्स्क शहर नजिकैका नौ वटा गाउँ कब्जा गरेको रुसले आज स्टारिट्स्या नामक गाउँ पनि कब्जा गरेको समाचार संस्था एएफपीले जनाएको छ ।

यो गाउँ कब्जा लिने क्रममा रुस र युक्रेनबीच तीन दिनसम्म ठूलो लडाईं भएको खबरमा उल्लेख छ । रुसी सैनिक समूहले खार्किभ क्षेत्रको स्टारिट्स्या गाउँलाई मुक्त गरेका र शत्रुको किल्लामा रुसी झण्डा फैलाएका रुसी रक्षा मन्त्रालयले जनाएको छ ।

युक्रेनी राष्ट्रपति भ्लोदोमिर जेलेनेस्कीले रुसको यो आक्रमण पहिलो चरणको मात्र भएको र अर्को चरणमा उसले ठूलो आक्रमणको तयारी गरिरहेको सूचना आफूले पाएको बताउनुभएको छ ।

उहाँले रुसको आक्रामक रवैयाविरुद्ध आफ्ना सेना डटेर लडिरहेको र युरोपेली देशबाट थप मिसाइल तथा प्रतिरक्षा प्रणालीको सहयोग अपेक्षा गरेको बताउनुभएको छ ।

यसैबीच युक्रेनको उत्तरपूर्वी खार्किभ क्षेत्रमा रुसी सेनाले आक्रमण गरेपछि १० हजार जनाले घर छाडेर भागेका छन् । युक्रेनकै दोस्रो ठूलो सहर खार्किभ कब्जा गर्ने लक्ष्यका साथ अघि बढिरहेको रुसले एक हप्तामा निकै ठूलो सफलता प्राप्त गरेको छ ।

रुसी सेनाले यही मे ९ देखि १५ तारिखको बीचमा दुई सय ७८ वर्ग किलोमिटर युक्रेनी भूमि कब्जा गरेको छ । यो सन् २०२२ को फेब्रुअरीमा आक्रमण शुरु गरे यता सबैभन्दा छिटो कब्जा गरेको सबैभन्दा धेरै युक्रेनी भूमि हो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्