मधेश प्रदेशमा १४ सदस्यीय मन्त्रिपरिषद् गठन

जेठ २५, २०८१ शुक्रबार १५:१:३७ | उज्यालो सहकर्मी

काठमाण्डाै – मधेश प्रदेशका नवनियुक्त मुख्यमन्त्री सतिशकुमार सिंहले १४ सदस्यीय मन्त्रिपरिषद् गठन गर्नुभएको छ । आज मुख्यमन्त्रीमा नियुक्त सिंहले प्रदेश प्रमुख सुमित्रा सुवेदी भण्डारीबाट शपथ लिनुभयो ।

जनमत पार्टीका सांसद सिंह आज बिहान मात्रै मधेश प्रदेशको मुख्यमन्त्रीमा नियुक्त हुनुभएको हो । लगत्तै उहाँले नेकपा एमालेबाट भौतिक पूर्वाधार विकास मन्त्रीमा सरोजकुमार यादव, शिक्षा तथा संस्कृति मन्त्रीमा राजकुमार लेखी, स्वास्थ्य तथा जनसङ्ख्या मन्त्रीमा शत्रुधन सिंह र खेलकुद तथा समाज कल्याण मन्त्रीमा प्रमोद जयसवाललाई नियुक्त गर्नुभएको छ ।

त्यस्तै नेकपा (माओवादी केन्द्र) बाट अर्थ मन्त्रीमा भरतप्रसाद साह र उद्योग वाणिज्य तथा पर्यटन मन्त्रीमा युवराज भट्टराई, नेकपा (एकीकृत समाजवादी) बाट भूमि व्यवस्था कृषि तथा सहकारी मन्त्रीमा गोविन्दबहादुर न्यौपाने र ऊर्जा तथा सिँचाइ मन्त्रीमा बेंची लुंगेली नियुक्त हुनुभएको छ । गृह, सञ्चार तथा कानुन मन्त्रीमा नेपाल सङ्घीय समाजवादी पार्टीकी विमला अन्सारी तरुन्नुम र श्रम तथा यातायात मन्त्रीमा नागरिक उन्मुक्ति पार्टीकी उर्मिलादेवी सिंह नियुक्त हुनुभएकाे छ ।

यसैगरी मधेश प्रदेशको मन्त्रिपरिषद्‍मा एमालेबाट स्वास्थ्य तथा जनसङ्ख्या राज्यमन्त्रीमा शारदा थापा, शिक्षा तथा संस्कृति राज्यमन्त्रीमा केशव राय र जनमतकी रञ्जु खंगले विनाविभागीय राज्यमन्त्रीको शपथ लिनुभएको छ ।

जसपा नेपालका तर्फबाट मुख्यमन्त्री बनेका सरोजकुमार यादवले अस्ति प्रदेश सभामा विश्वासको मत गुमाउनुभएको थियो । ६ दलका ५५ जना सांसदको समर्थनमा सिंह मधेश प्रदेशको तेस्रो मुख्यमन्त्री नियुक्त हुनुभएको हो ।

अन्तिम अपडेट: पुस १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मधेश प्रदेशमा १४ सदस्यीय मन्त्रिपरिषद् गठन

तस्बिर : रासस

तपाईको प्रतिक्रिया