फणिन्द्र देवकाेटालाई माओवादीले गरेकाे कारबाही कार्यान्वयन नगर्न सर्वाेच्चकाे अन्तरिम आदेश

असार १०, २०८१ सोमबार १७:१८:५३ | उज्यालो सहकर्मी

काठमाण्डाै – सर्वोच्च अदालतले फणिन्द्र देवकोटालाई गण्डकी प्रदेश सभा सदस्यका रूपमा काम गर्न दिन अन्तरिम आदेश दिएको छ । न्यायाधीश प्रकाशमान सिंह राउतको एकल इजलासले देवकोटालाई नेकपा (माओवादी केन्द्र) ले गरेको कारबाही कार्यान्वयन नगर्न र सांसदको रूपमा काम गर्न दिन अन्तरिम आदेश दिएको हो ।

सर्वोच्च अदालतले देवकोटा गण्डकी प्रदेश सभा सदस्य रहेको र नेपाल समाजवादी पार्टीसँग आबद्ध भएको तथ्य उल्लेख गरेको छ । निवेदक आबद्ध नभएको राजनीतिक दल माओवादीबाट निवेदकलाई दल त्याग गरेको भनी गण्डकी प्रदेश सभा सदस्यबाट निष्कासन गर्न पाउने अधिकार नदेखिएको सर्वोच्चको आदेशमा उल्लेख छ । देवकोटालाई गण्डकी प्रदेश सभाको सदस्यको हैसियतमा कार्यरत रहन दिनू भन्ने सर्वोच्चको अन्तरिम आदेशमा उल्लेख छ ।

सर्वोच्च अदालतको यो अन्तरिम आदेशसँगै गण्डकी प्रदेशका कांग्रेसबाट मुख्यमन्त्री बनेका सुरेन्द्रराज पाण्डेको सरकार जोगिएको छ । पाण्डेलाई विश्वासको मत दिएकोमा माओवादीले देवकोटालाई कारबाही गरेको थियो ।

आफ्नो चुनाव चिह्न प्रयोग गरी चुनाव जितेका कारण देवकोटा आफ्नो दलको सांसद रहेको माओवादीको दाबी थियो । तर देवकोटाले चुनावी समीकरणमा चुनाव चिह्न प्रयोग गरे पनि आफू नेपाल समाजवादी पार्टीसँग आबद्ध रहेकोले आफूलाई माओवादीको 'ह्विप' नलाग्ने बताउँदै आउनुभएको छ ।

अन्तिम अपडेट: पुस १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

फणिन्द्र देवकाेटालाई माओवादीले गरेकाे कारबाही कार्यान्वयन नगर्न सर्वाेच्चकाे अन्तरिम आदेश

फाइल फाेटाे

तपाईको प्रतिक्रिया