विश्वभरका ४० करोड मानिस लामो समयको कोभिडबाट पीडित : अध्ययन

साउन २७, २०८१ आइतबार १५:२६:१४ | एजेन्सी

विश्वभर ४० करोड जना मानिसले कोभिड–१९ का कारण लामो समयसम्म स्वास्थ्य समस्या भोगिरहेको पाइएको छ ।

स्वास्थ्य सेवा र काममा फर्कन नसक्ने विरामीहरूका कारण हरेक वर्ष १० खर्ब रुपैयाँ बराबरको रकम नोक्सानी भइरहेको पनि देखिएको नेचर मेडिसिन जर्नलको रिपोर्टलाई उद्धृत गर्दै चिनियाँ समाचार संस्था सिन्ह्वाले जनाएको छ । यस्तै विश्वव्यापी रूपमा लगभग ६ प्रतिशत वयस्कलाई लामो समयसम्म कोभिड–१९ भइरहेको पनि खबरमा उल्लेख छ ।

धेरै मानिस पूर्णरूपमा निको नभएका र यसको उपचार सबैभन्दा ठूलो चुनौतीहरूमध्ये एक रहेको देखिएको छ । कोभिड सङ्क्रमणपछि केही हप्ता, महिना वा वर्षसम्म पनि लगातार स्वास्थ्य समस्याहरू देखिइरहेका छन् । कोभिड–१९ लामो समयसम्म रहेमा मुट, स्नायु प्रणाली, प्रतिरक्षा प्रणाली, प्रजनन प्रणाली र पाचन प्रणालीसहित लगभग हरेक अङ्ग र प्रणालीलाई असर गर्छ ।

अमेरिकी रोग नियन्त्रण तथा रोकथाम केन्द्रको सर्वेक्षणले गएको मार्चसम्म ६ दशमलव ७ प्रतिशत अमेरिकी वयस्क अझै पनि कोभिडको समस्याबाट पीडित रहेका देखाएकाे छ । लामो समयको कोभिडले व्यक्तिगत जीवनमा विनाशकारी प्रभाव पार्न तथा स्वास्थ्य प्रणाली र अर्थव्यवस्थामा पनि ठूलो प्रभाव पार्ने अनुसन्धानकर्ताहरूले बताएका छन् ।

सङ्क्रमित हुनुअघि खोप लगाएका वा सङ्क्रमित हुँदा एन्टिभाइरल सेवन गरेका मानिसहरूमा लामो समयसम्म कोभिडको जोखिम कम देखिएको छ । तर कोभिडबाट पुनः सङ्क्रमित भएका व्यक्तिहरू बढी जोखिममा रहेका छन् ।

धेरै अध्ययनका अनुसार लामो समयसम्म कोभिड भएका ७ देखि १० प्रतिशत मानिस मात्र दुई वर्षपछि पूर्णरूपमा निको भएका छन् । तर केहीलाई मुटु रोग, मधुमेह र थकान जीवनभर रहन सक्छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विश्वभरका ४० करोड मानिस लामो समयको कोभिडबाट पीडित : अध्ययन

प्रतीकात्मक तस्बिर

तपाईको प्रतिक्रिया