बच्चा अपहरण गर्न अाएकाे अाश‌ंकामा दुईजनाकाे हत्या

जेठ २८, २०७५ सोमबार १९:५:३ | उज्यालो सहकर्मी

भारतको आसाममा दुईजनाकाे हत्या गरेको आरोपमा प्रहरीले साेमबार १८ जनालाई पक्राउ गरेको छ । ह्वाट्सएपमा फैलिएको ‘बच्चा अपहरणकारी आएको’ अफवाहका आधारमा गाउँले मिलेर दुईजनाको हत्या गरेको प्रहरीले जनाएको छ ।

कर्वि आङलङ जिल्लाको दुर्गम गाउँमा अभिजित नाथ र निलोत्पाल दासलाई शनिबार २०० भन्दा धेरै मान्छेको भीडले कुटेर मारेको प्रहरीले जनाएको छ ।
पछिल्ले समय बच्चा अपहरणकारीको ग्याङ गाउँ पसेको भन्ने अफवाहको कारण दुईजनाको ज्यान गएको हो । यस्तो अफवहका कारण भारतमा धेरैको ज्यान जाने गरेको छ ।

प्रहरीले घटनामा संलग्न १८ जना दोषिलाई पक्राउ गरिएको र सामाजिक सञ्जालमा अफवाह फैल्याउने केहीलाई पनि पक्राउ गरिएको जनाएको छ ।
सामाजिक सञ्जालमा दुईजनालाई गाउँलेले हत्या गरेको भिडियो भाइरल भएको छ । सामाजिक सञ्जालमा दासले हात जोडेर आफू अपहरणकारी नभएको, आफू आसामी भएको र आफूलाई छाडिदिन आग्रह गरेको भिडियो भाइरल भएको छ ।

३० वर्षका नाथ र २९ वर्षका दास शनिबार गाडीमा दुर्गम गाउँ पञ्जुरी कचरी घुम्न गएका थिए । बच्चाहरुको अपहरणमा आएको आशंकामा उनीहरुलाई गाउँलेले लखेटेर हत्या गरेका हुन् ।

‘केही बच्चा अपहरणकारी गाउँ पसेका छन् । एक जना अपहरणकारीको लामो कपाल रहेको छ’ लेखिएको पोष्ट र म्यासेज ह्वाटसएप र फेसबुकबाट भाइरल भएपछि गाउँलेहरुले उनीहरुलाई अपहरणकारी आएको आशंकामा हत्या गरेको प्रहरीले जनाएको छ ।

प्रहरीका अनुसार उनीहरुले बाटो सोध्न गाडी रोकेका थिए । त्यसपछि उनीहरुमाथि आक्रमण भएको जनाइएको छ । ह्वाटसएपमा उनीहरु अपहरणकारी भएको भन्दै चेतावनीपूर्ण जानकारी आएपछि त्यहाँका नागरिकले उनीहरुलाई हत्या गरेको प्रहरीले जनाएको छ ।

प्रहरीले त्यो घटनापछि साइबर अनुगमन तिब्र पारेको जनाएको छ । प्रहरीले सबै जिल्लामा अफबाह नियन्त्रणमा काम गरिरहेको जनाएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्