‘नाच फिरिरी’ टिमले गर्यो केक काटेर ३ करोड भ्यूज सेलिब्रेसन

मंसिर ८, २०७५ शनिबार १२:१:६ | उज्यालो सहकर्मी

काठमाडौं – पछिल्लो समयमा निकै मन पराइएको गीत नाच फिरिरीले युट्यूबमा ३ करोड भ्यूज पार गरिसकेको छ ।

युट्यूबमा ३ करोड भ्यूज पार गरेको खुसियाली सँगसँगै गीतलाई आज यो स्थानसम्म पुर्‍याउन मद्धत गरेकोमा मिडियालाई धन्यवाद दिँदै शुक्रबार नाच फिरिरी टिमले एक कार्यक्रमको आयोजना गरी सेलिब्रेसन गरेको थियो । गायक महेश काफ्ले, नायिका स्वस्तिमा खड्का, निर्माता अशिफ शाह, असिम शाह, आकाश खड्कालगायतले केक काटेर खुसियाली साटेका थिए ।

गीतले धेरै दर्शक, श्रोताको माया पाएकोमा आफू र आफ्नो टिम निकै खुसी रहेको गायक महेश काफ्लेले कार्यक्रममा बताए । यस्तै कार्यक्रममा बोल्दै नायिका स्वस्तिमा खड्काले यो माया ‘नाच फिरिरी’ टिमले गरेको मेहनतको प्रतिफल रहेको बताइन् ।

नाच फिरिरीमा शब्द तथा सङ्गीत गायक काफ्ले स्वयम्को रहेको छ । गीतको सङ्गीत संयोजन भने रिकेश गुरुङले गरेका हुन् । गीतमा महेशलाई गायिका मेलिना राईले साथदिएकी छिन् । भिडियोमा निश्चल र स्वस्तिमाका अलावा पोखराको चर्चित नृत्य समूह क्रिस्टल क्लज डान्स क्रू र कलाकार प्रकाश घिमिरेले साथ दिएका छन् ।

भिडियोमा शिवराम श्रेष्ठ र सुरज श्रेष्ठको छायाङ्कन रहेको छ भने भिडियोको सम्पादन लोकेश बज्राचार्यले गरेका हुन् ।

–उज्यालाे र गफगाफ डट कमकाे सहकार्यमा

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्