अमेरिकामा शिशु र बच्चाका लागि बिक्री हुने ६० प्रतिशत खाना गुणस्तरहीन र मापदण्ड नपुगेको पाइयो

भदौ ६, २०८१ बिहीबार १८:३३:४८ | एजेन्सी

एक अध्ययनले संयुक्त राज्य अमेरिकामा बिक्री हुने शिशु र बच्चाहरूको खानामा पोषणको गुणस्तरको बारेमा महत्त्वपूर्ण चिन्ता व्यक्त गरेको छ । पोषक जर्नलमा प्रकाशित एक अध्ययनले अमेरिकामा बिक्री हुने बच्चाको खानामा अन्तर्राष्ट्रिय मापदण्डको झन्डै ६० प्रतिशत मापदण्ड र तत्त्व नभएको देखाएको छ ।

अस्ट्रेलिया, संयुक्त राज्य अमेरिका र ब्राजिलका अनुसन्धानकर्ताहरूले वालमार्ट, क्रोजर, कोस्टको लगायत १० वटा प्रमुख अमेरिकी किराना चेन स्टोरका ६ सय ५१ प्रकारका बच्चाहरूका खाना तथा खाद्य पदार्थको जाँच गरेका थिए । जसमध्ये झन्डै ६० प्रतिशत खाना तथा खाद्य पदार्थहरूले मापदण्ड पूरा नगरेको भेटिएको छ ।

अध्ययनका अनुसार केवल ४३ दशमलव १ प्रतिशत उत्पादनहरूले सबै सान्दर्भिक पोषण मापदण्डहरू पूरा गरेका छन्, ७० प्रतिशतभन्दा धेरै उत्पादनहरू प्रोटिनको आवश्यकता पूरा गर्न असफल भएका छन् भने ४४ प्रतिशतले चिनीको मात्रा धेरै प्रयोग गरेको पाइएको छ । चाउचाउका उत्पादनमध्ये ८७ प्रतिशले प्रोटिनको मापदण्ड र ७१ प्रतिशतले चिनीको मात्राको मापदण्ड पूरा नगरेको भेटिएको छ ।

अमेरिकामा शिशु र बच्चाका खाद्य उत्पादनहरूमा चिनीको उच्च मात्रा चिन्ताजनक रहेको र अत्यधिक चिनीले मोटोपना, मधुमेह, हृदय रोग तथा केही क्यान्सरसहितका समस्या निम्त्याउने रिपोर्टमा उल्लेख छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकामा शिशु र बच्चाका लागि बिक्री हुने ६० प्रतिशत खाना गुणस्तरहीन र मापदण्ड नपुगेको पाइयो

तस्बिर : एजेन्सी

तपाईको प्रतिक्रिया