इजरायलमा हडताल : मुख्य अन्तर्राष्ट्रिय विमानस्थलसहित देशभरि बन्द र अवरोध

भदौ १७, २०८१ सोमबार १८:२२:१ | एजेन्सी

इजरायलमा भएको आमहडतालका कारण व्यापार व्यवसाय, विद्यालय, बैंक तथा यातायात सेवा प्रभावित भएको छ । मुख्य अन्तर्राष्ट्रिय विमानस्थलसहित देशभरि बन्द र अवरोधहरू भएका बीबीसीले जनाएको छ ।

गाजामा बन्धक बनाइएका ६ जनाको शव भेटिएपछि प्रधानमन्त्री बेन्यामिन नेतान्याहुविरुद्ध प्रदर्शन चर्किएको हो । प्रदर्शनकारीले प्रधानमन्त्री नेतान्याहुलाई दोष दिँदै युद्धको अन्त्य गरी हमाससँगको सम्झौतामा बन्धकहरूलाई जीवित फिर्ता गर्न सकिने बताएका छन् ।

पछिल्लो प्रदर्शन युद्ध शुरू भएपछिको सबैभन्दा ठूलो प्रदर्शन रहेको बीबीसीले जनाएको छ । प्रधानमन्त्री नेतान्याहु हमाससँग युद्धविरामभन्दा भन्दा पनि आफ्नो पद जोगाउन लागिपरेको प्रदर्शनकारीहरूको आरोप छ । हडतालमा राजनीतिक विभाजन पनि देखिएको इजरायली सञ्चारमाध्यमले उल्लेख गरेका छन् ।

अस्ति शनिवार इजरायली सेनाले गाजाको रफाह शहरको भूमिगत सुरुङमा ६ जनाको शव फेला पारेको थियो । सेनाले आफूहरू पुग्नुभन्दा केही समय अगाडि हमासले इजरायली नागरिकको हत्या गरेको जनाएको छ । हमासले भने इजरायली आक्रमणमै उनीहरू मारिएको दाबी गरेको छ ।

हमासले अक्टोबर ७ मा गरेको आक्रमणपछि दुई सय ५१ जनालाई बन्धक बनाएको थियो । ९७ जना अझै पनि हमासको कब्जामा छन् । तीमध्ये कम्तीमा २७ जनाको ज्यान गइसकेको अनुमान छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

इजरायलमा हडताल : मुख्य अन्तर्राष्ट्रिय विमानस्थलसहित देशभरि बन्द र अवरोध

तस्बिर : एजेन्सी

तपाईको प्रतिक्रिया